Lugo, 15 de setembro de 2023. Muras celebrará o vindeiro 24 de setembro unha nova edición da Feira do Poldro e do Gando de Monte, co apoio de Medio Rural da Deputación de Lugo. O deputado de Medio Rural Daniel García, o alcalde de Muras Manuel Requeijo, a tenente de alcalde Paula Gómez, Laura Peteiro de Puraga e Benigno Gómez da Asociación Atila, presentaron esta tarde en San Marcos o programa da feira, que pon en valor a actividade gandeira e promociona a carne de poldro e do gando de monte.
A tenente de alcalde, Paula Gómez, encargada da coordinación do programa da feira, destacou a importancia da gandeiría para o concello e agradeceu a colaboración de gandeiras e gandeiros, de Atila e de Puraga na organización da feira, que, explicou, “comezará o sábadocunha degustación de carne e xogos rurais, a cargo de Atila, que pretende servir de premio e recoñecemento para todas as persoas que se involucran na organización da Feira”.
O domingo, o recinto feiral, onde se concentra a compra venda de gando, abrirá ás 10.00 horas. O mercado prolongarase durante a mañá, con actividades paralelas como unha exhición de escultura de madeira con motoserra, un concurso morfolóxico de Puraga ou unha homenaxe á Asociación Atila, que con 200 persoas socias aglutina a paixón polo cablo en Muras e na contorna. Durante a xornada, as máis pequenas e pequenas poderán disfrutar de actividades propias como bautismos hípicos.
Unha das novidades do programa son as carreiras de andadura libre, que se celebrarán durante a tarde, nas modalidaes serrada e chapeada. Tanto para as carreiras como para o concurso de animais requírese inscrición previa, no enderezo electrónico administracion@muras.gal ou a través da sede electronica do Concello de Muras. O prazo está aberto ata o o día 21, para as carreiras, e ata o 22, para o concurso de animais.
O deputado de Medio Rural valorou “a tradición desta feira gandeira que, ademais de xenerar unha actividade económica importante, supón unha o oportunidade para recoñecer o valor ambiental, social e cultural da gandería e dos sistemas tradicionais de cría no monte” e remarcou a “importancia da gandeiría extensiva para o equilibrio territorial e para unha produción alimentaria de calidade e proximidade”, apuntou.
Feira do Poldro e do Gando de Monte: programa
Sábado, 23 de setembro
. 20.00h. Degustación de hamburguesa de carne de poldro 100% raza autóctona
· 20.30h. Xogos rurais a carga da asociación ATILA
Domingo, 24 de setembro
· 10.00 h. Apertura da feira
– 10.30 h. Calificación do gando
– 11.00 h. Exhibición de escultura de madeira con motoserra
– 11.00 h. Concurso morfolóxico Puraga
· 12.00 h. Homenaxe Asociación Atila
– 12.30 h. Degustación de hamburguesa de carne de poldro 100% raza autóctona
· 13.00 h. Carreiras de Cabalo Marchador Galego (Puraga)
– 15.30 h. Presentación de carreiras de andadura
– 15.45 h. Comezo carreiras de andadura
– 19.00 h. Entrega de premios
Actividades infantís de balde:
Bautismo hípico (Pony Club), de 12.00 a 14.00 horas e de 16.00 a 18.00 horas
Hinchables e toro mecánico, de 11.30 a 14.30 horas.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
