Foz será o protagonista do programa ‘Voces de Lugo e da Mariña’, que RadioVoz emitirá este xoves para toda a provincia

Foz, 6 de setembro de 2023. O municipio de Foz será o protagonista do programa Voces de Lugo e da Mariña, que RadioVoz emitirá mañá, 7 de setembro, para toda a provincia desde esta vila mariñá.

Polo Marexada, onde estará instalado o estudio móbil, pasarán o alcalde, Fran Cajoto; a concelleira de Facenda e Cultura, Inés López Couto; a concelleira de Muller e Aula Universitaria, Elena Martínez; Carlos Paleo, presidente de ACIA Foz; e Iago Pitero do Marexada, que organizou un concurso de cocteles.

Con Félix Jorquera, director do programa, farán balance deste verán e analizarán o novo curso político.