Lugo, 14 de setembro de 2023. O deputado de Medio Rural, Mar e Mocidade Daniel García recibiu esta tarde no Pazo de San Marcos a un grupo de especialistas en asesoramento rural de Baviera, que están a participar nun programa de intercambio de asesores rurais a nivel europeo, promovido polo goberno bávaro e a Universidade de Santiago de Compostela e no que participa a Asociación de Asesores Rurais de Galicia.
Daniel García encadrou a visita no recoñecemento e apoio que desde a área de Medio Rural se presta á Asociación de Asesores Rurais de Galicia e a estes perfís profesionais que consideramos fundamentais para o desenvolvemento das potencialidades do sector primario, especialmente nunha provincia como a de Lugo na que a gandeiría ten un peso territorial e económico moi destacado, e que é referente tamén en formación polas titulacións que se imparten no Campus Terra”.
A delegación alemana, que ao longo da xornada visitou a Ribeira Sacra, fórmana Frank Trauzetel, director da Axencia de Agricultura de Landshut; Matthias Hillmeier, responsable da Coordinación do Asesoramento da Axencia Estatal de Agricultura de Passau e Katrin Patermann, responsable de formación de agricultores da FUAK (Academia Estatal para o Liderazgo na Agricultura, Bosques e Agroalimentación en Baviera). Na recepción participaron tamén a presidenta da Asociacíon de Asesores Rurais de Galicia, Elena Piñeiro, Susana Trastoy, técnica de Almoga, e Toni Bestad, da entidade de aconsellamento Celtia, que en marzo estiveron en Baviera.
Con este programa de intercambio europeo preténdese poñer en común a complexidade da función do asesor rural nun mundo profesional cada vez máis global e condicionado pola normativa e lexislación establecida pola Política Agraria Común, ademais de servir de reflexión sobre a importancia deste perfil profesional como nexo de unión entre gandeirías e producións agrárias, centros de formación , centros de investigación agraria e tecnolóxica ou universidades que imparten formación vencellada ao sector primario.
A área de Medio Rural, Mar e Mocidade da Vicepresidencia da Deputación de Lugo destina unha axuda de 10.000 euros para colaborar coas actividades formativas, e de funcionamento da Asociación de Asesores Rurais de Galicia.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
