Ribadeo, 1 de setembro de 2023. Acisa Ribadeo cualifica de excepcional a tempada de verán. A patronal ribadense considera que a recuperación da actividade turística é absoluta.
A presidenta de Acisa, Carmen Cruzado, sinalou que “foi un verán que respondeu ás expectativas e superounas. Podemos dicir que Ribadeo segue sendo un referente turístico, comercial e gastronómico de primeiro nivel, tal e como indican os datos que o INE fixo públicos hai uns días”.
Cruzado Iglesias explicou que “segundo os datos que manexamos a ocupación hoteleira no mes de agosto estivo entre 95 e o 100 %, cun aumento claro das pernoitas. As reservas en restauración fixeron encher os comedores mesmo en varias quendas para as ceas e comidas e as terrazas dos bares estiveron sempre cheas. Isto, sumado os datos do mes de xuño e xullo, indícanos que foi unha tempada de verán excepcional”.
E engadiu: “en relación ao comercio os asociados e asociadas indícannos que foi unha boa tempada e que a campaña de rebaixas funcionou moi ben, incluso neste mes de agosto notouse un pequeno aumento con respecto a outros anos”.
Para a presidenta de Acisa “sen dúbida foi un bo verán, as rúas estaban cheas de xente con bolsas de compras, para coller terraza había que facer cola, para comer se non tiñas reserva era imposible… E para setembro as expectativas que temos son boas. Outro dato significativo é por exemplo que algunhas estacións de servizo aumentaron as cifras de venda de combustible do ano 2019, así como o claro aumento do consumo nas áreas comerciais de alimentación”.
Carmen Cruzado indicou que “desde Acisa traballamos durante todo o ano intensamente para que a nosa vila siga sendo un referente comercial e hostaleiro a nivel nacional a través de actividades, campañas, sorteos, colaboracións con outras entidades ou promocións e publicidade. E de feito, esforzámonos para que a tempada de verán cada vez sexa cada vez mais longa, que comece o 1 de xuño e finalice o 30 de setembro, deste xeito estamos seguros que este mes que hoxe estreamos e incluso parte de outubro, se o tempo acompaña, será un período dunha afluencia turística considerable en Ribadeo”.
Volta ao cole
O xerente de Acisa, Jesús Pérez Prada, anunciou que “xa temos lista a programación de setembro e estamos a traballar na do último trimestre deste 2023, que virá con diversas actividades e campañas de dinamización tanto para comercio como para hostalaría. Comeza setembro e con el chega a Volta o cole, unha época tamén de gran consumo, especialmente para as familias con nenos e nenas. Por iso, queremos lembrarlles aos veciños e ás veciñas de Ribadeo, que no noso comercio poden encontrar todo o necesario para empezar este novo curso, dende libros de texto, material escolar, roupa de cara o outono/inverno, material electrónico, etc…”
E subliñou que “nos nosos comercios poderán encontrar asesoramento, atención personalizada e produtos de primeira calidade. Non hai mellor lugar para facer as compras desta tempada outono inverno e para a volta ao cole que no comercio local de Ribadeo”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
