A directora xeral de Emprendemento e Apoio ao Emprego, Margarita Ardao, participou na actividade coa que se quere poñer en valor a profesión e inspirar novas propostas para a cadea de valor do produto
Lourenzá, 27 de setembro de 2023. A directora xeral de Emprendemento e Apoio ao Emprego, Margarita Ardao, participou hoxe no encontro Emprender innovando na faba de Lourenzá, organizado desde o Polo de emprendemento da Mariña sito en Mondoñedo.
“Optimizar os recursos dispoñibles nas contornas e incrementar a competitividade e profesionalización de actividades tradicionais son dous dos propósitos cos que están a traballar os polos”, especificou Margarita Ardao.
A directora xeral destacou o potencial que para A Mariña Oriental ten a faba de Lourenzá, unha das principais producións agrícolas da zona, que conta co recoñecemento de Indicación Xeográfica Protexida. Ardao destacou que os pequenos produtores, principalmente explotacións familiares sen estrutura empresarial, poden aproveitar os servizos especializados que brinda o Polo da Mariña para abordar aproveitamentos adicionais e atopar puntos para mellorar a competitividade.
A xornada de hoxe permitiu abordar a profesionalización do sector e dar a coñecer modelos de éxito para inspirar novas propostas para a cadea de valor deste produto.
Ardao indicou que a actividade hoxe celebrada é unha mostra real do traballo que a Xunta de Galicia está a desenvolver nos polos, onde se presta asesoramento experto a persoas cunha idea de negocio, autónomos, desempregados e mesmo traballadores que desexen emprender ou mellorar os seus negocios dentro da economía social.
O polo da Mariña botou a andar o pasado abril e presta servizo a 15 concellos que suman unha poboación activa de 42.500 persoas. Ata o momento, acompañou 29 persoas emprendedoras coas que desenvolveu medio cento de sesións de traballo. Os proxectos máis habituais teñen relación coa hostalería, actividades sanitarias, o comercio, actividades recreativas, de entretemento e artísticas.
A Rede de polos de emprendemento e apoio ao emprego segue a crecer nesta provincia co estreo esta mesma semana de Lugo Comarca, en Friol, e a próxima apertura do servizo en Sarria. Ata o momento un total de 124 persoas recibiron apoio dos polos en Lugo, téndose realizado máis de 300 sesións para axudalas a superar os seus retos.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
