Viveiro, 12 de agosto de 2023. O Concello de Viveiro inaugurou está mañá nos Xardíns Noriega Varela a súa Feira do Libro 2023, cunha ampla oferta cultural, actividades para nenos e encontros con diferentes escritores e escritoras.
“É unha satisfacción que Viveiro sexa estes catro días a capital galega das letras e quero agradecer o esforzo da Federación de Librarías de Galicia, así como o traballo diario dos libreiros e libreiras presentes na feira, profesionais dun sector fundamental na nosa sociedade”, asegurou a alcaldesa, María Loureiro.
A concelleira de Cultura, Lara Fernández Fernández-Noriega, destacou a importancia “desta festa dos libros, que converte a Viveiro no epicentro da cultura galega; os libros e a lectura son a mellor bandeira e un gran motor para calqueira persoa”.
Fernández-Noriega puxo en valor “que teñamos dúas pregoeiras mulleres, Nazaret López e a pregoeira infantil, Emily Sofía Castañeda, reivindicando unha vez máis a cultura en feminino, temos unha conta pendente como sociedade para darlle máis espazo ás mulleres artistas”. Emily forma parte do Consello Autonómico de Infancia e Adolescencia (CAIA) e do Grupo de Participación de Viveiro.
Os establecementos e entidades participantes nesta Feira do Libro de Viveiro son a Libraría Porta da Vila; Lar Libros-Editorial Canela; Libraría Cartabón; Libraría Aguirre; A Gata Tola; Libraría Pedreira; Librería Lume; Libraría Aenea; Librería Uróboros, e os stands do Seminario de Estudos Terra de Viveiro e da Deputación de Lugo.
O programa desta Feira do Libro é moi amplo e variado, con presentación de libros e actividades para o público infantil, como espectáculos teatrais e contacontos.
Colaboración da Vicepresidencia da Deputación
A Vicepresidencia da Deputación de Lugo colabora coa Feira do Libro de Viveiro, que se celebra nos xardíns Noriega Varela con doce librarías e editoriais -entre eles o do Servizo de Publicacións da Deputación de Lugo-, e un amplo programa de presentacións, concertos, contacontos e actividades de animación á lectura.
A deputada de Cultura Iria Castro participou este mediodía na inauguración do Feira na que sinalou que “este tipo de feira ao aire libre son o formato ideal para sacar os libros á rúa, dinamizar o sector e crear un ambiente fantástico para achegar a literatura a todos os públicos” e convidou a “visitar os postos da feira e pararse tamén no do Servizo de Publicacións da Deputación de Lugo para coñecer as novidades editoriais, centradas fundamentalmente na divulgación do patrimonio, da cultura e da historia”.
Os libros editados polo Servizo de Publicaciòns poden ollarse na caseta institucional e mercarse nos postos das librarías. Ademais, o luns 14 de agosto (18:30 horas) a directora do Museo Provincial de Lugo Aurelia Balseiro García presentará o seu libro “O Museo Provincial de Lugo. Orixe e consolidación (1932-1982) na Feira.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
