Burela, 7 de agosto de 2023. Dende CIG SAÚDE denuncian que o Hospital da Mariña, un hospital Xeral básico, tan só ten unha dotación de dúas facultativas especialistas en dixestivo para dar cobertura sanitaria a unha poboación de 72.000 habitantes. A data 01 de febreiro do 2023 ausentouse unha das médicas a cal non foi cuberta polo que dende esa data, unha soa dixestóloga se atopa ao fronte do servizo.
A Xerencia de Lugo coa complicidade da dirección do hospital mariñao mantén a segunda praza do hospital da Mariña sen cubrir, incrementando a lista de espera de pacientes, promovendo derivacións de pacientes a centros privados de Lugo para realización de probas endoscópicas e favorecendo así o desmantelamento do servizo. Ao tempo, contratan dixestólogos para reforzar a dotación do Hula, sendo un total de 17 dixestólogos para dar cobertura a unha poboación de pouco mais de 200,000 persoas, sinalan dende a central nacionalista.
Agora, a única dixestóloga coa que conta o centro hospitalario marcha dúas semanas de vacacións e tanto a dirección do centro como os dirixentes de Lugo da área sanitaria provincial non fan os esforzos necesarios para cubrir dita ausencia con cando menos, outra especialista en aparello dixestivo. Parchean a situación desviando un facultativo con experiencia en endoscopia 3 días á semana para asumir ditas probas. A si mesmo desarman a citación das consultas. Os pacientes que estaban citados para a consulta de dixestivo dos mércores 9 e 16 de agosto, xa foron chamados para anularlles a cita pasando a engrosar o caixón de espera de citación, denuncian dende CIG-Saúde Mariña..
Por outra banda, os pacientes citados os mércores para tratamentos biolóxicos terán un seguimento telemático dende o servizo de Lugo, o que dende CIG-Saúde consideran unha “temeridade”, xa que ante unha posible reacción adversa ao tratamento, precísase da intervención áxil da facultativa, polo que é importante que se atope preto e en alerta.
Para a CIG-Saúde da Mariña isto supón un novo ataque contra a sanidade da Comarca convertendo aos mariñaos e mariñás en cidadás de segunda, e voltamos preguntar se estes son os máis e mellores servizos que o Partido Popular anunciou para o Hospital da Mariña e onde están os médicos que ían vir dende Lugo ao tempo que, esixen a cobertura de tódalas ausencias e en tódalas categorías para garantir unha atención sanitaria de calidade e de proximidade.
Para a CIG . “A implantación da Área única provincial, sumado á reforma da Lei de Saúde que suprimiu a Área Sanitaria da Mariña, supón, como vimos denunciando dende hai anos, a perda de recursos económicos, materiais e humanos para a Sanidade da nosa Comarca”, conclúen.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
