“O proceso de negociación con ambos grupos resultou sorprendentemente desequilibrado”
Alfoz, 12 de xullo, 2023. Debido á gran cantidade de preguntas e dúbidas que nos están facendo chegar, engadidas á información sesgada que moita xente parece estar a recibir, dende VIA facémonos eco desta demanda de información e desexamos dar o noso punto de vista sobre as negociacións deste pasado proceso electoral, sempre tendo en conta as seguintes circunstancias.
A primeira consideración é que os resultados do 28-M deixaron 3 edís para cada grupo, polo cal houbo que mirar o número de votos para determinar a orde de representación. Non se pode ignorar que VIA resultou ser a segunda forza máis votada, do mesmo xeito que non se pode ignorar que o PSOE foi a primeira e o PP a terceira.
O segundo punto é a actitude de VIA de cara ás negociacións, que tratou de ser aberta desde o principio e decidiuse falar cos outros dous grupos en igualdade de condicións, é dicir, non se esixiu máis a unha parte que á outra en ninguna negociación.
Por último, establecéronse uns requisitos moi mínimos de cara ás negociacións, os cales foron obtidos en consenso interno polo partido e algún incluso xa antes do proceso electoral, sendo una parte fundamental das nosas promesas electorais.
Primeiramente, VIA só vai apoiar á súa candidata para a alcaldía, o cal foi unha das nosas promesas electorais. En segundo lugar, só vai haber unha dedicación, seguindo a traxectoria actual das dúas últimas lexislaturas, e que neste caso será para a alcaldesa por motivos laborais. Por último, independentemente do reparto de delegacións e firmas, deberase facer un reparto equitativo das asignacións dos presupostos e chegar a consenso para adxudicar obras e gastos, por ambas partes.
Plantexados estes requisitos por igual a ambos grupos nas primeiras reunións respectivamente, PSOE e PP, explicamos as respostas recibidas de cada un:
O PSOE aceptou as nosas condicións, aínda que presentou algún desacordo. Sen embargo, mostrouse flexible e colaborador na negociación e, froito diso, houbo varias reunións nas que se foron tratando diferentes puntos e avanzando progresivamente. Finalmente, conseguíuse ir achegando posicións ata acadar un acordo que se formalizou en pacto de goberno. Dende VIA percibimos unha actitude conciliadora que aumentou a medida que avanzaba a negociación, no que entendemos que foi un proceso positivo.
O PP non aceptou estas condicións xa dende a primeira reunión e mostrouse férreo á hora de presentarnos como única posibilidade un goberno de alternancia na alcaldía, a pesares de que deixamos cristalino que baixo ningún concepto incumpliríamos a nosa promesa electoral. Ademais, houbo varias comunicacións a través do WhatsApp, publicacións no Facebook e propostas feitas a alguna persoa concreta, pero sen querer convocar reunión ou sen tempo material para debatilas internamente. Estes movementos, ademáis de facer propostas sempre máis esixentes cas do PSOE, foron pouco respetuosos para o resto da nosa corporación, xa que nós propuxemos sempre reunións con varios membros de ambas partes, organizadas e con tempo para debatir internamente as propostas. En VIA cremos que esta forma de negociar se afasta totalmente do obxetivo de formar un goberno estable e de consenso, mostrando interese únicamente no reparto de postos e dedicacións.
Todos estes feitos paralelos, decantaron doadamente no actual pacto co PSOE, que se formalizou coas seguintes atribucións:
Efigenia Maseda Paz (VIA). Alcaldía. Concellería de Réxime Interior, Servicios Sociais e Turismo.
Jorge Val Díaz (PSOE). 1º Teniente de Alcalde. Delegación da Concellería de Servizos e Infraestructuras (abastecemento de augas, saneamento, alumeado, vías públicas, e mantemento de infraestructuras vinculadas coas anteriores).
Eliseo Lorenzo García (VIA). 2º Teniente de Alcalde. Delegación da Concellería de Educación, Igualdade e Participación (Educación, Igualdade, Xuventude, Deportes, Festas e Asociacións).
Ana Aránzazu Incera Ares (PSOE). 3º Teniente de Alcalde. Delegación da Cultura.
Judit Casabella Pardeiro (VIA). Delegación da Concellería de Desenvolvemento Local (promoción económica, comercio, Medio rural, Agricultura, gandería e Sector forestal).
Cándido Paleo Rejes (PSOE). Delegación da Concellería de Medio Ambiente (Medio Ambiente e xestión de residuos).
O decreto no que se establecen estas atribucións, xa en vigor dende o día 30 de xuño, presentarase ao Pleno de Constitución que se vai celebrar este xoves 13 de xullo ás 14:00 horas. Nesta sesión tamén se vai levar a proposta de cambiar os horarios para os vindeiros plenos e que en diante pasen a celebrarse ás 19:00 horas, coa finalidade de facilitar a asistencia do público que así o desexe.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
