Burela, 8 de xullo, 2023. Este venres 7 de xullo, rematou o primeiro dos cursos de verán que ofrece a Escola Municipal de Música de xeito gratuíto a todos os rapaces e adultos que se queiran achegar ao mundo da música.
Esta iniciativa que partiu da escola de música, púxose en marcha no curso 2008-2009, celebrándose este ano a edición número trece. Ao longo destes anos, o curso de verán ten acollido a centenares de adultos e rapaces dende os catro anos en diante e ten realizado múltiples montaxes musicais coma: óperas, contos musicais con escenografía, concertos con coros e orquestra, concertos multidisciplinais, aglutinando diferentes estilos musicais e formacións diversas.
Neste XIII edición o fío condutor foi a idea da multiculturalidade que conflúe en Burela. Por este motivo contouse coa colaboración dos distintos colectivos máis numerosos coma o de Cabo Verde e o peruano.
Durante os cinco días que durou o taller preparáronse cos case cincuenta participantes, dous temas representativos da cultura caboverdiana, dous temas representativos da cultura peruana e tamén dous temas representativos da cultura galega. Houbo actividade para todos, xa que o traballo dividíuse en diferentes seccións, por un lado o grupo vogal de adultos coa profesora Chus González, o taller infantil que preparou atrezzo, bailes e voces coas profesoras Uxía García , Iria de Cabo e Xulia Nogueira e o grupo de orquestra co profesor Xacobe Pedre, que preparou a música a interpretar baixo a batuta e arranxos do director da escola Xan Caballal.
Toda esta mestura deu en confluír nun fermoso concerto que amosou ao público asistente, a dedicación o esforzo e bo facer tanto do alumnado participante coma do profesorado da escola de música.
Na vindeira semana, dos días 10 ao 14 de xullo en horario de 17.00 a 21:00 horas, terá lugar o Curso de verán de Jazz e banda, que levarán a cabo os profesores Iria de Cabo, Álvaro Prieto, Jose García, e Adrián Arias ,que prepararán diversos temas xunto a unha trintena de participantes, e que plasmarán nun concerto final o día 14 de xuño ás 19:00 horas, que se o tempo o permite será na Praza da Mariña ou de non ser así celebrarase na Escola de Música.
A ESMU de Burela aposta firmemente por estas actividades xa que indubidablemente reforzan o traballo feito durante o período escolar ao tempo que fomentan valores non só na educación, senón na transversalidade da formación do individuo, coma o compañeirismo, a convivencia, a paciencia, o traballo en grupo, a constancia e o esforzo, todos necesarios para asentar valores e apostar por que a cultura sexa o motor da sociedade”.
Por último indicar que o prazo de matrícula na está aberto hasta o venres 14 de xullo, e que poden inscribirse na sede da escola de musica en horario de 10:00 a 14:00 horas, onde poderán consultar toda a información relativa a este tema que precisen.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
