O Delegado da Xunta “non é digno” do cargo que ocupa como máximo representante do Presidente da Xunta na provincia porque “actúa con deslealdade, falta de respecto e soberbia” cara os responsables institucionais que non son da súa mesma cor política nun “alarde de sectarismo que resulta insultante”
Lugo, 19 de xullo de 2023. Os socialistas de provincia esixen o cese inmediato dos desprezos por parte do Delegado da Xunta en Lugo, Javier Arias, cara os alcaldes e alcaldesas do PSOE. Unha persoa “que está demostrando que non é digna do cargo nin sabe que lugar ocupa como máximo representante do Presidente da Xunta de Galicia na provincia” porque “actúa con deslealdade, falta de respecto e soberbia” cara os responsables institucionais que non son da súa mesma cor política nun “alarde de sectarismo que resulta insultante”.
O delegado da Xunta dá mostras continuas de desconsideración, como xa denunciaron os socialistas en diversas ocasións. Entre elas, “non convidar, e nin sequera avisar aos rexedores e concelleiros do PSOE das visitas ou actos institucionais que fai nos concellos onde gobernan os socialistas, só aos do Partido Popular”.
O último exemplo dunha “continua lista de menosprezos”, que sufriron a Alcaldesa de Viveiro, María Loureiro, a de Trabada, Mayra García Bermúdez, ou a de Vilalba, Elba Veleiro, entre moitos outros alcaldes e alcaldesas socialistas da provincia, ocorreu en Castroverde coa entrega dunha certificación de calidade a unha empresa do municipio, un acto no que participou o propio Delegado co voceiro do PP, sen presenza nin comunicación algunha ao rexedor, Xosé María Arias.
Javier Arias “debe repasar a Constitución e o ordenamento xurídico e ter presente que os alcaldes e alcaldesas do Partido Socialista son os representantes lexítimos da cidadanía, saídos das urnas, elixidos polos votantes, exactamente igual que o son os do Partido Popular, polo que, basta xa deste comportamento indigno e faltón”, subliñan os socialistas.
O partido reclama así mesmo á Xunta e tamén á presidenta provincial do Partido Popular, Elena Candia, que “asuman responsabilidades e tomen medidas” para que cese esta actitude que “é intolerable”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
