O equipo Senior Feminino de 1ª RFEF do Pescados Rubén contará cun filial en Primeira Autonómica Senior

Esta nova tempada preséntase ilusionante para a sección feminina con previsión de equipos en case todas as categorías da base

Burela, 27 de xullo, 2023. Na súa sólida aposta polo fútbol sala feminino, co obxectivo de reforzar a estrutura de base do club e poder dar saída a todas esas xogadoras, o Pescados Rubén Burela Fútbol Sala procedeu á inscrición dun equipo en 1ª autonómica senior feminina.

O adestrador deste novo equipo será Jairo Campo, coordinador da base feminina, e estará formado por xogadoras xuvenís e un número reducido de xogadoras senior.

Esta nova tempada preséntase ilusionante para a sección feminina con previsión de equipos en case todas as categorías de base, desde benxamín ata xuvenil.

Se estás interesada en formar parte deste novo proxecto, rogamos poñerse en contacto co seguinte número de teléfono (649286877).