O dereito á alimentación, ecoloxía e enerxía á debate na próxima palestra do Foro Social da Mariña, o martes en Burela

A Mariña, 15 de xullo, 2023. O dereito á alimentación, ecoloxía e enerxía serán os temas a tratar na próxima palestra do Foro Social da Mariña en Burela.

Poñentes:

Dereito á alimentación: Isabel Vilalba Seivane, Secretaria Xeral do Sindicato Labrego Galego ( SLG ).

Ecoloxía e Enerxía: Xoán Doldán García, profesor de economía aplicada da USC e ex–director do INEGA.

Moderador: Xosé Luis Fernández Rivera, membro do Foro Social da Mariña.

Lugar e data:

Salón de actos da Confraría de Burela. 18 de xullo de 2023, ás 20 horas.

O FORO SOCIAL DA MARIÑA aborda nesta palestra o tema da chamada transición enerxética e os distintos proxectos programados no noso territorio (eólica, eólica mariña, solar, hidróxeno, etc.), e o papel do ecoloxismo no momento actual; nun momento no que se intenta enganar á sociedade culpabilizando ao movemento ecoloxista para xustificar proxectos con grandes impactos que responden ao interese do gran capital. Asemade debaterase sobre o acceso da poboación a unha alimentación saudable e nutritiva, a produción de alimentos no noso territorio e o abandono do rural.