Foz, xoves 20 de xullo 2023. Este venres, o BNG celebra en Foz a XXVIII edición da Festa da Patria, no peirao frente á lonxa a partir das 19:30. Haberá chicharros lañados, pan, viño, e outras lambetadas. A parte musical corresponderá ao grupo de música tradicional focego Os Lambós e haberá sesión musical Dj´s con Di´Remi e Di´Pacolo.
Nesta festa de peche de campaña estarán presentes o cabeza de lista por Lugo e actual deputado no Parlamento, o ribadense Daniel Castro, así coma o resto de mariñaos e mariñás que completan as listas do Congreso e o Senado.
Desde o BNG convidan a asistir a todos os mariñaos e mariñás a este acto lúdico, musical e gastronómico donde se pode disfrutar dun produto de temporada como é o chicharro lañado, que forma parte da tradición culinaria de Foz. Na tarde de hoxe procedeuse á limpeza e ao lañado e salgado dos chicharrros, tarefa na que participan os membros do Bng de Foz e veciños expertos na labor.
O voto útil: o voto ao BNG, que na Mariña vale por tres
Para o BNG a data do 23 de xullo vai ser determinante para o futuro da Mariña, pois esta formación está a piques de conseguir por primeira vez un deputado pola circunscrición de Lugo, un deputado coñecedor e defensor da Mariña como demostrou xa no Parlamento de Galicia.
Nestas eleccións nas que se fan contínuas apelacións ao voto útil, desde o BNG recordan que o voto nacionalista serve para frear á dereita, para que Galiza e Lugo conten, e para romper o illamento ao que os sucesivos gobernos estatais someteron á Mariña en materia de infraestruturas encamiñando á comarca a ser un deserto industrial.
Manifestación nacional Día da Patria Galega, 25 de Xullo
O 25 de xullo terá lugar en Santiago, con saída da Alameda a manifestación nacional do Día da Patria Galega. Haberá servizo de buses gratuito, e o tfno de contacto para anotarse é o 982140654 ou ben o correo amarinha@bng.gal
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
