Ribadeo, 13 de xullo, 2023. O BNG de Ribadeo quere constatar que non houbo desidia nin se ocultou información por parte do anterior goberno municipal á hora de explicar a situación do Concello. Cando elaboramos os orzamentos para o ano 2023, e tamén ao longo do ano cando asinamos convenios coa Deputación (a Xunta nin estaba nin ninguén agardaba por ela), contemplamos as distintas necesidades que había que atender. Obviamente, non todas estás executadas a estas alturas de ano (do que aínda queda practicamente a metade).
“Pero a Daniel Vega interésalle máis pintar unha situación dramática para acentuar a sensación de que están a facer algo, ou disimular mentres el e o seu equipo van aterrando no labor de goberno. Agora toca comprobar que non é o mesmo predicar que dar trigo”.
Non é certo que non se fixesen investimentos no auditorio nin nas escolas. Non é certo que non se atenderan as necesidades dos parques infantís. Outra cousa é que todo, ao mesmo tempo, non se pode facer. Xa o irán aprendendo o señor Vega e o seu equipo.
No auditorio (mediante convenios coa Deputación) fixéronse varios investimentos. No mandato 2009-2013 dedicáronse 54.000 € para reparación de cuberta e climatización. No mandato 2015-19, investíronse máis de 135.000 € para selar as terrazas exteriores e solucionáronse importantes problemas de filtracións derivados do seu deseño errado: un teito plano non é a solución ideal para Galiza. E neste último mandato 2019-23 actuouse sobre o seu sistema de ventilación para poñer coto ás humidades que xeraba, ademais de renovar a tremoia. Non houbo abandono. Outra cousa é que o seu deseño defectuoso poida seguir xerando problemas por moito que se fagan investimentos parciais nel. Xa o iremos vendo ao longo do mandato. En todo caso, fai falta unha solución integral que excede a capacidade económica do concello de Ribadeo.
En canto aos parques infantís, ao remate do mandato 2015-19 abordouse unha reforma integral do parque de San Francisco por valor de 136.000 € (con labores posteriores de mantemento e mellora no ano 2022). Ao longo de ditos anos houbo investimentos diversos en parques por valor de: ano 2016, 17.000 €; ano 2018, 32.000 € e ano 2019, 30.000 €. No ano 2020 procedeuse á reforma do parque infantil de Rafael Fernández Cardoso, cun investimento duns 50.000 € a través dun convenio coa Deputación de Lugo. Pódelle parecer pouco; pero diso, pasar a dicir que non se fixo nada e todo está en estado de abandono é unha esaxeración. Xa nos tiña moi acostumados na oposición. Vese que non perdeu o costume. Os parques hai que mantelos. E se agora lle toca a vostede repoñer unha arañeira nun dos parques ribadenses, pois terá que facelo, que para iso goberna.
Polo que respecta ás intervencións nos locais e instalacións das parroquias o investimento por parte do Concello de Ribadeo e da Deputación foi de perto de 260.000 € en obra xa rematada (Cedofeita, Ove, Rinlo, Arante e Covelas) e 240.000 € en intervencións que se están executando e que se van rematar ao longo do ano. Obviamente, vostede pode extremar o celo e considerar como situación calamitosa unha bisagra que rinche. A ver se o vemos abrindo e pechando todas as ventás e todas as portas de todas as instalacións municipais para poder esaxerar sobre o seu estado! Pero gobernar é algo máis ca iso, “señor Vega. Fágase á idea e póñase a traballar en serio!”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
