Alexandra Fernández lamentou que o PP non aceptara reclamar a transferencia para a ordenación e xestión do litoral por intereses electoralistas
Santiago de Compostela, 4 de xullo, 2023. O BNG non apoiou da lei do PP de ordenación e xestión integrada lo Litoral de Galiza por carecer do diálogo necesario cos axentes implicados e por estar decidida nun “despacho dende Madrid” sen atender á realidade e demandas galegas. A parlamentaria nacionalista, Alexandra Fernández afirmou que o Partido popular confunde os recursos naturais, paisaxísticos, patrimoniais e a potencia dos usos do litoral galego “cun simulacro de verano azul nun polideportivo da M30”.
A nacionalista insistiu en que Galiza debe planificar a complexidade do litoral e potenciar a súa riqueza porque ademais, afirmou, ampárannos “as competencias do Estatuto”. pero o Partido popular prefire non reclamar esta transferencia como demostrou votando en contra da proposta do BNG formulada recentemente na Cámara galega.
O BNG presentou 85 emendas para mellorar o texto lexislativo pero unha vez máis, o Partido popular decidiu continuar coa súa lei por “electoralismo” e restrinxindo “os tempos para o seu trámite para entrar en campaña electoral co texto aprobado” e “silenciando as voces que puñan de manifesto as eivas da lei.”
Renunciaron a abrir un debate sobre o modelo de ordenación do litoral coa sociedade, limitaron a participación a un proceso de alegacións sobre un texto xa dado, estableceron un período de alegacións coincidindo coas vacacións de nadal que non quixeron prolongar a pesar das peticións e saltáronse solicitar o informe preceptivo do Consello Económico e Social sobre a lei”. Imaxínense como é de “escandalosa” esta lei que até o ex-conselleiro do PP que ocupaba a carteira de medio ambiente, tivo que remitir unha queixa ao goberno da Xunta por deixar fóra a este organismo, explicou a deputada.
Ao PP, reiterou Fernández, entráronlle as présas “por despachar a norma” cun tramite de urxencia e cunha ponencia en 24 horas. A xuízo da nacionalista, este proceder responde ao talante “antidemocrático” e falta de diálogo cos sectores implicados por intereses exclusivamente electoralistas dos conservadores.
A lei do litoral do PP nega establecer criterios que limiten a urbanización difusa e continua no litoral e a fragmentación dos espazos que aínda están libres para evitar a consolidación dun continuo edificado na costa porque en realidade, recalcou Alexandra Fernández, “non quere planificar o territorio do litoral” nin “protexer as actividades pesqueiras, marisqueiras fronte a calquera outra posible actuación nos espazos mariños como a “eólica mariña”.
Por outra banda, a lei rexeita a axencia de protección e conservación do litoral e o fondo de conservaciónn do litoral que permitise financiar entre outras medidas, esa adquisición e recuperación de terreos e o canon de explotación de actividades no dominio público marítimo terrestre.
A deputada concluíu a súa intervención anunciando que o BNG continuará reclamando “fortalecer o marco competencial” galego reclamando para Galiza os organismos e capacidade de xestión que lle corresponde.
Trátase dunha embarcación de dúas prazas, con materiais e deseño punteiro que, segundo explicou o presidente do club Jesús Carreira, mellora as condicións nas que adestran e compite a entidade xa que, recoñeceu, a igualdade de condicións físicas e técnicas dos e das deportistas, a calidade das embarcacións é moi determinante nas competicións de remo.
Será con Tarabela Creativa e a súa obra Vaites, Rapariga!!. A cita é na Casa da Cultura ás 19:00 horas.
O sábado 7 de decembro terá lugar unha ruta en Rinlo, no concello de Ribadeo. Un paseo litoral moi interesante que conecta as tres cetarias que serviron para almacenar o marisco deste pobo mariñeiro. O domingo día 8 será un paseo polo casco histórico do concello de Viveiro. Pero ademais visitarase 'Viveiro ante o berce', o belén a tamaño natural máis grande da nosa comunidade que conta con numerosos oficios e nunha ubicación privilexiada. Para máis información e reservas poden facelo a través do teléfono 654 99 68 57.
Un acendido de luces que estivo precedido dun fermoso concerto a cargo da cantante galega Iria Estévez, cunha versión especial de Nadal, que amenizou a espera de todas as persoas que na tarde de hoxe se achegaron ata a Praza da Constitución de Vilalba para presenciar o acendido da iluminación de Nadal.
Instrumentos do mundo da percusión contemporánea, elementos de nova creación, comicidade nas olladas e xogar co efecto sorpresa son as claves deste espectáculo. Catro son os elementos que definen este concerto didáctico e familiar que busca que o enxeño se retroalimente e evolucione, e que a senda da creación continúe a medrar. A cita é ás 18 horas. Prezo da entrada: 2€
O conselleiro do Mar asistiu este sábado ao partido do Burela Fútbol Sala e o Manzanares.
Continuando cos actos conmemorativos, o 27 de decembro terá lugar un concerto de panxoliñas na igrexa de Vila do Medio.
