Nicolás Gayol, piragüista do Club Altruán de Ribadeo, proclamado subcamipión de España de K1-500m, recibe os parabéns do Alcalde

Ribadeo, 21 de xullo de 2023. O alcalde de Ribadeo, Dani Vega, felicita a Nicolás Gayol, piragüista local do Club Altruán, que hoxe se proclamou subcamipión de España de K1-500m. Foi no Campionato de España de Sprint Junior, que se celebrou no encoro de Verducido (Pontevedra).

Vega declarou: “queremos felicitar a Nicolás Gayol e ao Club Altrúan pola medalla conseguida este venres e por seguir a poñer o nome de Ribadeo no máis alto do deporte deste país”.

Nicolás Gayol viaxará a Portugal a vindeira semana para participar no Campionato de Europa en K2-500m, xunto a Víctor Pizarro, do Club Piragüismo Aranjuez.