Gómez Besteiro mantivo este mércores no Hotel Auracaria de Ribadeo un encontro coa Asociación de Comerciantes Industriais, Servizos e Autónomos (ACISA), no que tamén participaron o número 1 ao Senado polo PSdeG-PSOE en Lugo, César Mogo, e a número 2 ao Congreso, Patricia Otero; a alcaldesa de Trabada, Mayra García, e a portavoz do PSOE no Concello de Ribadeo, Marta García. O almorzo de traballo serviu para coñecer de primeira man o impacto destas medidas entre os propios protagonistas e para tomar nota das súas demandas e necesidades.
Os socialistas destacaron o papel protagonista das pemes e autónomos na saída da crise e exemplificaron algunhas das iniciativas postas en marcha polo Goberno para apoiar ás empresas como os máis de 670 millóns de euros aboados en Galicia cos ERTE, os 500 millóns en prestacións a autónomos, os 12 millóns para a transformación dixital dos negocios lucenses, as liñas de avais de crédito ou programas de I+D, entre outros.