Besteiro insistiu na defensa “do mellor Lugo” na axenda política estatal: “Nós que somos de Lugo e que nos debemos á veciñanza dos 67 concellos desta provincia, só atendemos a un obxectivo: facer lucensismo en Madrid”
Lugo, 3 de xullo de 2023. O Partido Socialista da provincia de Lugo presentou esta mañá nun almorzo informativo a súa candidatura ás vindeiras eleccións xerais, mulleres e homes cun obxectivo claro, a defensa de Lugo na axenda política estatal: “Queremos que a nosa provincia siga sendo a prioridade que foi durante o Goberno de Pedro Sánchez”, afirmou Gómez Besteiro.
Besteiro estivo acompañado por Patricia Otero, Eduardo Vidal e Gloria Prada, cos que encabeza a lista ao Congreso, e César Mogo, que lidera a lista ao Senado, seguido de Marina Ramudo e José Fernández, ademais dos suplentes. E contou co apoio da alcaldesa de Lugo, Lara Méndez, e do presidente da Deputación, José Tomé, que tamén interviron na presentación.
O cabeza de lista ao Congreso asegurou que “o reto do 23 de xullo é avanzar ou retroceder e só hai un voto útil: o Partido Socialista. E hai un voto inútil: o PP”. Besteiro lembrou que sempre que goberna a dereita, Lugo perde “porque Feijóo sáelle moi caro a esta provincia”. Nesa liña, explicou que nestas eleccións hai en xogo “un Goberno que impulsa o progreso fronte a unha dereita destrutiva”, ao tempo que defendeu o protagonismo de Lugo en Madrid: “Nós que sentimos o orgullo de ser de Lugo e que nos debemos á veciñanza dos 67 concellos desta provincia, só atendemos a un obxectivo: facer lucensismo en Madrid, e seguir defendendo os intereses dos nosos veciños e veciñas”.
Os avances económicos e sociais pese á dereita
O cabeza de lista ao Congreso lembrou que foi Pedro Sánchez quen rescatou a Lugo do caixón no que o metera o PP: “E podo dicilo porque a provincia beneficiouse do maior aumento das pensións na historia da democracia, a suba do salario mínimo, o freo aos prezos da luz, dos alimentos e dos combustibles ou as axudas a autónomos, empresas e familias na pandemia”. Melloras sociais aprobadas, denunciou, pese ao voto en contra da dereita de Feijóo que, como non, “négouse tamén ao imposto ás grandes fortunas”.
Besteiro salientou que o Partido Popular non foi o único que votou en contra destas medidas: “O BNG non votou a favor do incremento das pensións, da bonificación do combustible ou da reforma laboral. Botámolos de menos”. E incidiu en que “non é momento de dispersar o voto porque só beneficia á dereita”.
Investimentos do Goberno de Pedro Sánchez en Lugo
Nun contexto complexo -pandemia, volcán e guerra- o candidato socialista destacou que o Goberno de Sánchez desbloqueou proxectos esenciais para a provincia como a estación intermodal de Lugo -con 26 millóns de euros xa adxudicados-; destinou máis cartos para acelerar as autovías a Santiago e a Ourense; tamén para a mellora da conexión ferroviaria con Ourense; ou para os avances nas conexións por estrada na Mariña co inicio da autovía A-74. “É dicir, reactivou todos os proxectos que o PP tiña con teas de araña”. Os datos están aí, insistiu, “cando gobernan os socialistas, Galicia e Lugo son prioridade. Boa proba disto é que “en cinco anos, Galicia recibiu 10.280 millóns de euros máis que nos últimos cinco anos do goberno de Rajoy”.
A lista de feitos é longa: “Os pensionistas, que son 1 de cada 3 lucenses, cobran hoxe con Pedro Sánchez 200 euros máis cada mes do que cobraban co PP no goberno central. E Sánchez apoiou o proceso de negociación de Alcoa en San Cibrao, preservando o emprego e a industria na provincia. Grazas a el podemos estar falando de fondos europeos para industrias en Lugo. E a protección do sector primario, tan relevante en Lugo, tamén estivo na súa axenda, con axudas e fondos europeos para os sectores agrícolas, lácteos, gandeiro e pesqueiro”.
Así mesmo, salientou “a experiencia, fiabilidade e a unión dos socialistas da provincia fronte “aos espectáculos do señor Rueda en Ourense e Pontevedra, onde os do PP están a matar. Ou mesmo en Lugo, onde a cidadanía apartounos das institucións cando presumían de que ían telo todo”. É dicir, “parecen non coñecer o conto da leiteira”, ironizou.
Por último, advertiu que un goberno do “PP e Vox, que son o mesmo, farán que teñas menos dereitos por falar galego, por ser muller, por ser gay, por ser un traballador ou por non ser de Madrid… Xa non é un tema de economía… o 23 de xullo trátase de loitar polo teu dereito a existir, a ser e a ter liberdade”.
O almorzo informativo tivo lugar no Hotel Mercure da capital, impulsado por un emprendedor de Lugo que obtivo fondos europeos captados polo goberno de Pedro Sánchez.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
