Burela, 19 de xullo de 2023. Todo está listo en Burela para a celebración da Romaría do Monte Castelo, que organizan a Asociación Amigos do Monte Castelo e o Concello de Burela, coa colaboración de Absa, Ledicia e a Mancomunidade de Montes. A cita terá lugar do 21 ao 23 de xullo.
O presidente da Asociación de Amigos do Monte Castelo, Marcos Vázquez, agradece “o apoio do Concello de Burela, que está a axudar en todos os preparativos, ao igual que a asociación de montes e o resto de entidades. Temos xa todo perfilado para arrincar coa montaxe”.
O venres, 21 de xullo, haberá misa na Igrexa da Vila do Medio ás 20 horas e despois ás 21 horas chicharrada no Monte Castelo aberta aos romeiros e romeiras alí acampados e tamén ao resto da xente que se queira achegar. A continuación actuación do grupo Tapyoca e un dj. O sábado está prevista unha festa con dj´s locais desde as 11:30 horas e ata o peche da xornada. Haberá tamén sesión vermú coa Orquestra Arizona, pola tarde concurso de disfraces, xogos para as nenas e os nenos e verbena con Arizona e dj. E xa o domingo ás 13:00 horas misa con procesión na honra da nosa Señora das Marabillas e sesión vermú a cargo do Dúo Samba.
Vázquez explica que “tras deixar atrás a pandemia o que notamos na xente é que hai ganas de subir e de disfrutar do monte, das vistas que temos desde alí, da familia, dos amigos… o que facemos todos nunha romaría”.
Desde Amigos do Monte Castelo tiveron palabras de lembranza “para o precursor da festa, Martín Iglesias, que xa non está entre nos. El e o club de balonmán que había aló pola década dos 90 empezaron con esta festa e seguímola levando unha asociación de amigos, que queremos que isto se siga mantendo e que siga habendo respecto polo medio ambiente nun área recreativa que está moi ben”.
A alcaldesa, Carmela López, manifestou que “o Monte Castelo é unha área que potenciaremos durante o noso mandato e a romaría que organiza a Asociación de Amigos do Monte Castelo é unha cita das que persoalmente non me perdo porque considero que debemos promover e apoiar estas xuntanzas de veciños así como o contacto coa natureza”.
A concelleira de Festas e Festexos, Patricia Eijo, animou “a participar nesta tradicional cita do verán en Burela”.
No acto de presentación participaron varios membros da Asociación Amigos do Monte Castelo, das entidades colaboradoras, así como a concelleira de Festas e Festexos, Patricia Eijo, e a alcaldesa Carmela López.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
