Dispoñible a camiseta do Combo Dominicano de Pescados Rubén Burela FS

Xa se atopan dispoñibles a de Panorama e O Combo Dominicano. Proximamente chegará a de París de Noia

Burela, 4 de xullo, 2023. Pescados Rubén Burela FS continúa coa súa colaboración xunto ás mellores orquestras, que xa se converteron en Galicia en símbolos da nosa cultura e da tempada de festas estivais.

Esta colaboración inclúe a realización de camisetas de edición limitada cos logos das principais orquestras de Galicia: Panorama, París de Noia e O Combo Dominicano.

Desde o pasado 8 de xuño xa se atopa dispoñible a camiseta de edición limitada en colaboración con Panorama.

Hoxe poñemos á venda a camiseta edición limitada do Combo Dominicano. Pode adquirirse mediante as canles de venda habituais do club e a nosa tenda en liña. A camiseta estará limitada a 100 unidades.

Con máis de 30 anos de experiencia percorrendo os pobos de Galicia, España e República Dominicana, O Combo Dominicano é hoxe en día una das orquestras máis importantes do panorama español. Unha traxectoria de esforzo, sacrificio e perseveranza, que a fixeron recoñecida e seguida por unha gran cantidade de afeccionados.

O Combo Dominicano conta cun amplo historial de actuacións en localidades de Galicia, onde principalmente realizan a súa actividade. Proximamente actuarán nas provincias da Coruña e Pontevedra.