Santiago de Compostela, 15 de xullo, 2023. Se todas as persoas que votaron ao Bloque nas pasadas eleccións municipais e antes nas galegas volven facelo o 23X, Galiza terá un grupo galego forte para facer valer os seus intereses ante o Estado. Foi a mensaxe que lanzou a portavoz nacional, Ana Pontón, no mitin que compartiu en Lugo xunto ao candidato Daniel Castro, onde fixo un chamamento a mobilizarse masivamente nas urnas para “cambiar poñer a Galiza no centro e frear a involución”.
“Pídolle a todas as persoas que votaron ao BNG nas eleccións galegas e agora nas eleccións municipais que este 23 de xullo volvan confiar no BNG, que volvan encher as urnas de votos ao BNG para ter un grupo galego forte no Congreso, porque co voto que tivo o BNG tanto nas autonómicas como nas locais, Galiza terá un grupo forte e orgullosamente galego en Madrid tamén con escano polas catro provincias”, recalcou a líder do Bloque desde a cidade da Muralla.
Neste sentido, Pontón apelou así a concentrar no Bloque todo o voto “de País, rebelde e inconformista”, para acadar ese grupo forte con deputados e deputadas por Coruña, Lugo, Ourense e Pontevedra, provincias nas lle está a disputar escanos ao PP de Feijóo. “Cada escano máis para o BNG é un menos para Feijóo e a súa alianza con esa extrema dereita antigalega”, afirmou. E incidiu en que en Galiza, “a alternativa real ao PP é o BNG”.
A líder nacionalista aproveitou o mitin en Lugo para destacar a especial necesidade de darlle unha “voz forte e potente” á Galiza interior e facerlle fronte á discriminación histórica por parte das forzas estatais que fan que as infraestruturas prometidas “durman o sono dos xustos”, como sucede no caso da autovía da Mariña eternamente prometida que agora en campaña volven anunciar, ou a autovía entre Lugo e Santiago, sen rematar trinta anos despois do seu inicio. “Un pitorreo e unha falta de respecto”, dixo.
“A Galiza do interior tamén existe e hai que sacala do vagón para darlle futuro”, subliñou a líder do Bloque, que acusou ás forzas do “bipartidismo que quere que todo siga igual” de ter posto “paus nas rodas” ao desenvolvemento do interior de Galiza. “Xa sabemos que os deputados das forzas estatais van a Madrid atados de pes e mans”, denunciou.
Por contra, destacou, o BNG é a única forza coas “mans libres” para defender os intereses dos galegos e das galegas ante o Goberno do Estado, e fronte a unhas forzas estatais “que din unha cousa aquí e fan a contraria en Madrid”, criticou, “non imos fallar nin na defensa de Galiza en Madrid nin á hora de pararlle os pés a Feijóo e o seu aliado da extrema dereita racista, machista e antigalega”.
Un Feijóo “que aquí coñecemos ben”, indicou, mentres facía repaso da “boa xestión” do candidato do PP. “Provocou a emigración masiva de 200.000 mozos e mozas porque non lle daba máis alternativas que a P de paro ou a P de precariedade”, puxo como exemplo. “E di que se compromete cos maiores, pero en Galiza temos as segundas pensións máis baixas do Estado e en catorce anos non construíu nin unha soa residencia pública”, argumentou tamén.
Un Feijóo que fala de boa xestión, pero que en Galiza triplicou a débeda pública ao tempo que recortou en servizos públicos, en educación e en sanidade, afondou, para advertir da Galiza “cada vez máis pequena” que queda dos anos de goberno do PP.
O BNG, contrapuxo, quere construír unha “Galiza en grande”, respectada en Madrid, cun grupo galego forte que fale polos miles e miles de galegos e galegas “fartas de tanta discriminación”.
As tres A da discriminación a Lugo
Unha discriminación da que o cabeza de cartel por Lugo. Dani Castro, puxo os exemplos da discriminación. No caso de Lugo, referiuse ao que chamou as “tres A”. A primeira, a A-6, sobre a que preguntou: “Que pasaría se o viaduto caese nunha das entradas principais a Madrid”?. A segunda, a eternamente inacabada autovía A54 entre Lugo e Santiago. E a terceira, a A74, “a autovía na Mariña que levan prometendo desde que era una neno”, recalcou.
Por iso, Castro convidou a votar masivamente BNG este 23 de xullo “para acabar coa discriminación das forzas estatais coa nosa provincia e para facer historia dándolle a Lugo o primeiro deputado do Bloque. “Tendes a miña palabra, vou colocar os problemas de Lugo no centro do debate no Congreso”, dixo no Instituto Politécnico da Cidade das Murallas, a onde se tivo que trasladar o acto por culpa do mal tempo.
O candidato por Lugo fixo unha apelación directa á mocidade, que paga un prezo moi alto, expuxo, pola discriminación do PP e do PSOE en Madrid: “Cada vez temos máis difícil emanciparnos e facer os nosos proxectos de vida, porque a maior parte da xente nova soporta precariedade e baixos salarios”.
O cabeza de lista amosouse convencido de que o 23 de xullo Lugo “fará historia” logrando un deputado do BNG. “Imos ter escano si ou si. Se até o di o CIS!”, ironizou, un escano que vale dobre, “para defender Lugo en Madrid e tamén para defender os dereitos e as liberdades fronte a ese PP ultra e a esa extrema dereita cavernícola que nos quere quitar o noso idioma, negacionista da violencia machista, dos dereitos LGTBI, que nos quere impedir amar a quen queiramos e ser como queiramos ser”. “Encher as urnas de votos BNG, é un win-win”, concluíu.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
