Ribadeo, 11 de xullo, 2023. Catro anos máis tarde da súa visita, despois do parón motivado pola pandemia do Covid-19, por fin un grupo de 30 persoas da Asociación de Amizade Ribadeo-Loctudy puidemos devolvérllela desprazándonos a esa vila da Bretaña francesa entre os días 30 de xuño e 6 xullo. O programa de actividades foi moi completo e variado, e a acollida polas familias, sen dúbida, foi excepcional.
Houbo de todo, desde música tradicional e iniciación á danza bretoa, actividades de coñecemento da vila como a do quiz (xogo de preguntas e respostas) preparado pola súa asociación de comerciantes; ou a visita á restaurada antiga fábrica de conservas; a lugares próximos, como a da bonita cidade de Quimper; ou a lugares máis distantes como a da rexión dos Abers (as súas rías) no Norte do Finisterre; ou propia e animada cea de gala.
Sen dúbida merece ser sinalada a actividade cultural, moi entrañable para nós, Seguindo os pasos de Castelao, consistente nun percorrido polos cruceiros e calvarios estudados polo noso ilustre devanceiro na comarca do País Bigouden da que forma parte Loktudi.
Tamén puidemos presenciar directamente elementos referidos a Ribadeo, como a panel indicador da irmandade entre as nosas dúas localidades, ou o propio barco de pesca que leva o nome de Ribadeo e que pasou na súa viaxe inaugural polo noso porto en agosto de 2022.
Mención especial merece a inauguración da rúa Ribadeo nunha área de expansión urbanística de Loctudi. No acto, a súa Primeira Tenente de Alcalde –por imposibilidade do propio Alcalde- puxo ese feito como proba da súa vontade de manter e profundar nas relacións entre os dous concellos, vontade à que correspondía o Alcalde de Ribadeo, Daniel Vega, a través do comunicado que fixo chegar e que foi lido no acto, mostrando o seu agradecemento pola iniciativa e a súa invitación aos presentes para vir a Ribadeo en 2024.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
