Barreiros, 26 de xullo, 2023. A Garda Civil detivo a un veciño de Barreiros, de 46 anos de idade, como suposto autor dos delitos de violencia de xénero, tenencia ilícita de armas e depósito de armas. Segundo o comunicado da Garda Civil, o detido ameazou de morte á súa parella cun machete de grandes dimensións; a muller tivo que encerrarse no baño e pedir auxilio. No marco da investigación efectuada polos axentes que acudiron á vivenda, interviñéronselle ao agresor trece armas longas de diferentes calibres, algunhas delas carecen de número de rexistro, marca e modelo. O detido foi posto ao dispor xudicial.
A Garda Civil investiga agora se esas armas de distintos calibres puidesen estar implicadas nalgún outro ilícito penal.
