Ribadeo, 28 de xuño de 2023. Ribadeo acollerá do 3 ao 7 de xullo un campus de fútbol do Real Oviedo no que participarán medio cento de nenos da contorna. O evento foi presentado esta mañá no Parque de San Francisco. Ao acto asistiron representantes do club asturiano, do Concello ribadense, así como do Ribadeo FC e da SD Ribadeo.
O alcalde, Dani Vega, dixo: “alégrome de que Ribadeo sexa a sede que o campus do Oviedo escolle para formar a moitos rapaces, para que os introduza no mundo do deporte. Creo que é algo moi positivo. Ribadeo é esa porta de entrada de moitas actividades que estamos ofertando e imos seguir facéndoo para que veciños e visitantes, todos disfrutemos do noso pobo, que todos amamos e respectamos, que é Ribadeo”.
O rexedor cre que “esta actividade, que empeza o día 3 e remata o 7, vai ser unha oportunidade para que moitos rapaces se introduzan no mundo do deporte e para que sigan tendo actividade tamén no verán. Polo tanto grazas ao Real Oviedo e tamén á SD Ribadeo por ese traballo que fai todos os días, por eses voluntarios que teñen e que pasan fins de semana traballando polos nosos rapaces; e tamén ao Ribadeo FC, por seguir apostando por Ribadeo e polo deporte ribadense”.
O presidente da SD Ribadeo, Valentín Coto, sinalou: “como presidente de la SD quiero dar las gracias al Real Oviedo, al Concello y al FC por este campus. Somos un club con prácticamente 200 niños y para nosotros son muy importantes este tipo de campus formativos para que sigan aprendiendo y sobre todo disfrutando de su deporte, que es el fútbol. Creemos que la mayoría de los niños inscritos en el campus son de nuestro club y animamos a los que no lo hayan hecho todavía a que se anoten y que disfruten de este campus del Real Oviedo la semana que viene en el campo de Outeiro, en A Devesa”.
O presidente do Ribadeo FC, Pedro Posada, comentou que “este campus para Ribadeo supón primeiro unha experiencia pioneira porque polo menos desde que está esta directiva non fixemos ningunha. Sabemos que a SD si a fixo e xa ten experiencia nisto. Entón dende o Ribadeo FC esperemos adquirir certa experiencia, pero tamén supón unha promoción do deporte para os rapaces e ao mellor témolo como unha costume actual. Agradecer ao Concello e sobre todo ao Real Oviedo por prestarse a facer este campus, o cal esperemos que sexa un éxito. Temos de momento, segundo me din, sobre 50 rapaces e supón unha promoción para Ribadeo. Penso que son rapaces todos da contorna”.
E engadiu que “tamén é moi importante que está todo vencellado co 72º Trofeo Emma Cuervo, que se vai xogar no Pepe Barrera o día 2 de agosto. Xa imos quentando motores para promocionar tamén o Emma Cuervo”.
Pola súa banda, Quique Pérez Pimentel, coordinador dos campus externos do Real Oviedo indicou que “estamos con muchas ganas de empezar a trabajar aquí con los chicos de la zona, para que continúen con su formación y también seguir implantando un poco el oviedismo. Y con nuestra metodología, con técnicos de cantera del femenino y de escuela. Estamos ilusionados. El campus será la semana que viene, del 3 al 7 de julio, aquí, en Ribadeo, y después el día 7 van a tener la oportunidad de conocer el Carlos Tartiere, realizar la visita al museo y que puedan pisar el campo”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
