O voceiro popular, Manuel Rouco, subliñou tamén “a falta de recursos da alcaldesa á hora de responder ás preguntas da oposición: non respondeu nin a unha soa das plantexadas polo noso grupo”
Burela, 30 de xuño de 2023. Os populares de Burela condenan “as carencias e inexperiencia do goberno bipartito” por levar ao pleno extraordinario de organización un punto da orde do día que non cumpría coas mínimas garantías legais para ser debatido. “De non ser así pola súa falta de experiencia -a pesar de que a actual alcaldesa formou parte do anterior goberno socialista-, sería unha “deliberada decisión para ocultar información á oposición”. Tendo en conta que non se pode consentir esta “falta de transparencia”, os populares advertiron da situación e, polo tanto, este punto debaterase noutro pleno extraordinario, cando sexa acompañado da preceptiva documentación. Os populares agardan que “o goberno bipartito non proceda de forma continuísta con respecto ao mandato anterior”.
Os concelleiros do Partido Popular explicaron tamén que “as persoas que presenciaron o pleno, ou o seguiron de forma telemática, puideron comprobar a falta de recursos da alcaldesa á hora de dar explicacións. É máis, ás preguntas plantexadas polo principal partido da oposición, a señora López Moreno non foi capaz de responder nin a unha soa”.
Centrándose nos puntos da orde do día que si se puideron debater, os populares destacan que “quedou de manifesto a peaxe que tivo que pagar o goberno socialista para poder formar coalición co seu socio do goberno bipartito, o BNG”. E, ademais, evidenciáronse “os tintes ditatoriais da señora López Moreno que contrastan co discurso de investidura ‘quedaben’ no que se ofrecía a manter a man tendida á oposición porque xa está a desoír as posicións e posturas en diversos aspectos por parte dos grupos que conforman a oposición que ten que fiscalizar a súas accións ou a falta delas por parte do goberno bipartito”.
“Dende o PP consideramos que Burela, como dicía o slogan dalgunha formación política, merece bastante máis do que está a recibir” por parte de dúas formacións políticas que, de por si, non gañaron as eleccións”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
