Lugo, 15 de xuño, 2023. As centrais sindicais CIG e CCOO compareceron este xoves en rolda de prensa para informar da convocatoria de folga no comercio de alimentación de Lugo. O próximo 23 de xuño será a primeira vez na provincia que o sector vaia á folga para demandar un convenio colectivo digno. Para quentar motores, ademais da xornada de paro, que afectará a todas as tendas das empresas reguladas por este convenio, como Gadis e Froiz, para este domingo 18 de xuño está convocada unha manifestación polas rúas de Lugo.
CIG e CCOO fan un chamamento ao conxunto das traballadoras e traballadores a participar nesta marcha que sairá ás 12h do Froiz da rúa Montero Ríos, pasará polo Gadis da rúa Quiroga Ballesteros e rematará diante da sede da Confederación de Empresarios de Lugo, na Praza de Santo Domingo. “Agora máis que nunca temos que demostrarlle á patronal e aos seus cómplices que estamos en contra de que se ningueen as nosas propostas e aspiracións laborais e sociais, e se tomen decisións en contra do sentir maioritario do sector”, aseveraron na comparecencia.
A representación de CIG e CCOO criticou o escurantismo no que se están a desenvolver as negociacións xa que UGT manifestou ter chegado a un preacordo coa patronal “aínda que nin sequera convocaron a mesa de negociación para presentalo, poder avalialo e trasladar as nosas propostas”.
“A negociación do convenio faise na mesa e non través de correos electrónicos”, asevera o secretario comarcal da CIG-Servizos, Xoán Díaz; quen aclara que a día de hoxe ese suposto preacordo non vale “porque o sector marcounos unhas liñas vermellas que non se cumpren nesa proposta remitida por correo electrónico”. Aínda que, en todo caso, apunta, “terán que ser as asembleas quen decidan soberanamente se a aceptan ou se fan outra proposta alternativa”.
Precariedade e desigualdade
Díaz rexeita que este suposto preacordo siga condenando as traballadoras e traballadores da provincia á precariedade laboral e afondando aínda máis nas desigualdades. “Os incrementos que formula a patronal poden parecer elevados, pero traducido ás táboas do convenio vemos como as categorías por debaixo do grupo 4 (na que está encadrado a maioría do persoal) seguen quedando ao límite do Salario Mínimo Profesional”, indica.
Critica que patronal non está sendo “nin xusta nin xenerosa” coas traballadoras e os traballadores, a pesar do enorme esforzo que realizaron durante a pandemia cando foron considerados sector esencial, e chama a atención sobre o ruín da oferta económica que fai a patronal, nun momento no que as compañías de distribución están batendo todos os records de ganancias. “Estanse facendo de ouro e resulta indigno que se neguen a socializar eses beneficios millonarios non sequera garantindo o mantemento do poder adquisitivo dos salarios”.
Porque nese preacordo tampouco se regula a cláusula de revisión salarial ao IPC con carácter retroactivo, nin os sábados de calidade co domingo festivo nos concellos onde hai feiras ese día, nin o complemento do 100% nas baixas, sendo este convenio provincial o único que non contempla este dereito.
Por iso, a CIG anima a secundar de xeito masivo a folga e as mobilizacións e darlle unha resposta contundente “a esta patronal avarenta”. “Porque seguimos a reclamar un convenio digno, con incrementos salariais do 6,5% para 2022 e do 5,7% para 2023 para poder reverter o empobrecemento dos últimos dous anos; unha cláusula de revisión salarial ao IPC real e con carácter retroactivo para garantir que non haxa perda do poder adquisitivo no futuro; así como o cobro do complemento de IT até o 100% da base de cotización”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
