O 100% d@s alumn@s do IES Perdouro presentados superaron as probas da ABAU

Burela, 16 de xuño, 2023. Os resultados das ABAU do IES Perdouro neste curso académico 2022-23 foron un éxito. O 100% dos 28 alumnos presentados superaron as probas e as cualificacións foron altas. Trece dos 28 alumnos conseguiron máis dun 11, oito deles están por riba do 12 e Antón Expósito Campo foi o mellor cun 13,66. Estivo seguido de Nuria Ramos Cuba cun 12,982, de Noa Saá del Río cun 12,93, de Álvaro Fernández Prado cun 12,868 e de Nicolás Sixto Guisasola cun 12,834.

A dirección do centro quere transmitir os seus parabéns ao alumnado polo seu esforzo, ás familias polo apoio que lles prestaron e ao claustro de profesorado pola súa perseveranza.