A presidenta provincial destaca que “son perfís cunha extensa traxectoria política e con experiencia en xestión, tal e como defende, di, o proxecto que lidera Núñez Feijóo”
Lugo, 14 de xuño de 2023. “Temos os mellores candidatos para contribuír dende Lugo ao cambio en España”. Así o manifesta a presidenta provincial, Elena Candia, logo de que o Comité Electoral aprobase as listas electorais para o Congreso dos Deputados e o Senado e coas que o PP de Alberto Núñez Feijóo concorre ás eleccións do vindeiro 23 de xullo.
Neste senso, a máxima mandataria provincial subliña que “son perfís cunha extensa traxectoria política e con experiencia en xestión, tal e como defende, di, o proxecto que lidera o noso presidente nacional”.
“Son candidatos e candidatas que traballarán para desbancar ao sanchismo do Goberno e, en consecuencia, para facer valer a nosa provincia no conxunto de España que, como todos os lucenses sabemos, estivo fortemente castigada durante estes anos tanto por Pedro Sánchez, como polos deputados do PSOE que representaban a Lugo”, manifesta.
A popular sinala que os integrantes da lista, que combina renovación con experiencia, pisarán a provincia de norte a sur, e de leste a este, porque, apunta, “basta xa de que todos os proxectos comprometidos para a provincia quedasen metidos nun caixón ou en vez de melloralos, os empeorasen”. É o caso di, da actuación do actual Executivo respecto do viaduto da A-6. “Se o que querían é cabrear a transportistas e usuarios, dende logo que o conseguiron”. Por iso, engade, “o precisamos é un Goberno que dea solucións e non que cree problemas; un Goberno que impulse as infraestruturas e non as paralice; un Goberno que cree industria e non que a destrúa… e así poderiamos seguir…”, afirma.
LISTAS AO COMPLETO
As listas aprobadas para as respectivas Cámaras son as seguintes:
Ao Congreso:
1. Francisco Conde López
2. Jaime de Olano Vela.
3. Cristina Abades Martínez
4. Mercedes Rodríguez Moreda
Suplentes
1. Alberto García Fernández (Mondoñedo)
2. Monserrat Seijo Díaz (Ribadeo)
3. Sagrario Sánchez Ramil (Lugo)
4. Carlos Vázquez Pena (Lugo)
5. Mar Carballas Piñeiro (Lugo)
Francisco Conde López (Monforte de Lemos, 1968). Doutor en Economía da empresa pola Universidade Complutense de Madrid (UCM). Foi profesor de Estrutura Económica na Universidade CEU San Pablo (CEU-USP). En 2009 foi nomeado asesor do Presidente da Xunta de Galicia, Alberto Núñez Feijóo, e desde o día 2 de decembro de 2012 ata xuño de 2023 vicepresidente primeiro da Xunta e conselleiro de Economía e Industria.
Jaime de Olano Vela (A Coruña, 1970). Licenciado en Dereito. Deputado das X, XI, XII, XIII e XIV Lexislaturas no Congreso dos Deputados do Grupo Parlamentario Popular pola provincia de Lugo.
Desde xuño de 2022 é Coordinador da Área Económica e Tesoureiro na Dirección do Grupo Parlamentario Popular no Congreso. Vicesecretario de Participación do Partido Popular dende xullo do 2019 ata xuño de 2022. Portavoz Adxunto na dirección do Grupo Parlamentario Popular dende xullo de 2018 ata xullo do 2019. Previamente exerceu como portavoz de orzamentos desde xaneiro de 2015, ademais de asumir outras responsabilidades no Congreso. Concelleiro da corporación municipal do Concello de Viveiro desde maio do 2011 ata maio do 2019 e presidente da xunta xestora do PP local dende xaneiro do 2019 ata novembro do 2021.
Cristina Abades Martínez (A Coruña, 1971) Licenciada en Dereito pola Universidade de Santiago de Compostela e diploma de directivos da Xunta de Galicia. Foi funcionaria do Concello de Cervo como letrada-asesora, secretaria-interventora do Concello de Paradela, secretaria interina do Concello de Cervo, subdirectora da asesoría xurídica da Deputación de Lugo, xefa territorial da Consellería de Política social en Lugo; actualmente é xefa de área técnica de Emerxencias da Xunta en Lugo. Concelleira do grupo municipal do PP de Lugo (2019-2023), é vicesecretaria de Acción Social e membro do comité executivo provincial do Partido Popular.
Mercedes Rodríguez Moreda (Foz, 1971). Licenciada en Dereito pola USC; premio extraordinario da licenciatura. Dende 1995 exerce a avogacía por conta propia en Foz; de xuño de 1997 a outubro de 1999 compatibilizou o exercicio da avogacía coa asesoría xurídica da Organización de Productores Pesqueros de Lugo, da que foi directora-xerente de novembro de 1999 a decembro de 2016. Do 30 de decembro de 2016 ata o 26 de maio de 2022 foi directora xeral de Pesca, Acuicultura e Innovación Tecnolóxica, da Consellería do Mar. O 2 de xaneiro do 2023 reincorporouse ao seu despacho profesional. É membro fundador do consellos consultivos rexionais das Aguas Occidentales del Noroeste e das Aguas Suroccidentales, así como do Consejo Consultivo Regional de Larga Distancia. Concelleira electa en Foz.
Ao Senado:
1. José Manuel Barreiro Fernández (Lugo)
S1. Enrique Rozas (Lugo)
S2. Sara Ruíz Rubio (Lugo)
2. María José Gómez Rodríguez (Guntín)
S1. José Manuel Balseiro (Cervo)
S2 Cristina Fernández (Lugo)
3. Juan Serrano López (Portomarín)
S1. Manuel Rouco López (Burela)
S2. Paula Gesto Díaz (Vilalba)
José Manuel Barreiro (Lugo, 1957). Licenciado en 1983 en Ciencias Económicas e Empresariais, disciplina na que é doutor e catedrático de Universidade. Foi deputado no Parlamento galego entre1997 e 2007; conselleiro de Medio Ambiente entre xaneiro do 2003 e agosto do 2005 –ademais de Vicepresidente da Xunta entre setembro do 2004 e agosto do 2005-; portavoz do Grupo Parlamentario Popular entre o 2005 e o 2007; concelleiro no Concello de Lugo e portavoz do Grupo Popular na Deputación Provincial de Lugo entre xullo do 2007 e decembro do 2011; senador pola provincia de Lugo dende 2008. Exerceu de portavoz de Economía do grupo Popular na IX Lexislatura e como portavoz do Grupo Popular no Senado nas lexislaturas X, XI e XII ata xullo do 2018 cando pasou a ser portavoz adxunto e membro da Deputación Permanente. Tamén formou parte da Cámara Alta na lexislatura XIII. É membro do Comité de Dirección Nacional e do PPdeG. Foi presidente provincial do PP dende o 2002 ata o 2016 e vicepresidente da executiva galega do partido dende 2006 ata o 2016.
María José Gómez Rodríguez (Guntín, 1976). Doutora en Humanidades, é profesora de Secundaria. Concelleira en Guntín dende 2015, e alcaldesa de Guntín dende 2019. Xefa de Cultura da Xunta de Galicia en Lugo (2017-2022) é xefa territorial da Consellería de Educación e Cultura en Lugo dende 2022.
Juan Serrano López (Portomarín, 1965). Empresario avícola, concelleiro polo PP en Portomarín dende 2007, conseguiu a alcaldía deste concello en 2011, cargo no que se mantivo ata outubro do 2021. Membro da comisión interna de turismo do PP e co-fundador do Observatorio Xacobeo impulsado por 8 alcaldes e que, na actualidade, a través da AMCS da que formou parte da xunta directiva durante seis anos inclúe a 110 concellos de toda España. Foi nomeado senador por designación autonómica e en maio de 2022 cedeu o escano a Alberto Núñez Feijóo. É director da Casa de Galicia en Madrid dende agosto do 2022.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
