Mondoñedo, 29 de xuño de 2023. Este venres, 30 de xuño, comezan en Mondoñedo as Extra XVI Xornadas do Peregrino Abrindo Camiño: Camiño de Santiago e Emigración – Homenaxe a Aandrea López Chao que rematarán en Santaballa (Vilalba) o domingo, 2 de xullo.
Unha das tres xornadas dedicarase a homenaxear á mestra e defensora dos dereitos sanitarios e sociais das mulleres galegas en Cuba, Andrea López Chao.
Venres, 30 de xuño: Inauguración dunha exposición e coloquios
As actividades daS Extra XVI Xornadas do Peregrino ‘Abrindo Camiño’ inícianse coa inauguración da exposición cedida polo Consello da Cultura Galega “O soño cubano da emigración galega”.
Este acto terá lugar na casa do Concello de Mondoñedo, o venres, 30 de xuño, ás 17:00h., lugar onde vai permanecer a mostra nas próximas datas.
A partir das 18:00h, no Auditorio Municipal Pascual Veiga darán comezo as mesas coloquio sobre o Camiño de Santiago e a Emigración que rematarán cun concerto de Música Galego-Cubana a cargo da Coral Mestre Pacheco.
A temática dos camiños de Santiago será analizada nas mesas-coloquio “O Camiño de Santiago. Itinerario cultural e dinamizador socioeconómico internacional” e “Os Camiños -e Santiago – en América: mito, toponimia e representacións. Presenza e tradición de Santiago en La Habana”.
O mundo da emigración será abordado na mesa “Emigración en Cuba. O Centro Galego da Habana e a súa interrelación con Galicia: a bandeira, o himno e a Real Academia Galega”.
Sábado, 1 de xullo: Homenaxe a Andrea López Chao
Esta xornada dedícase a homenaxear á Andrea López Chao, muller que naceu na rúa Casas Novas de Mondoñedo o 12 de febreiro de 1874 e faleceu na Habana (Cuba) o 19 de xuño de 1954.
Foi mestra en Mondoñedo ata que emigrou a Cuba onde desde 1904 exerceu case medio século como destacada profesora e directora do Plantel Concepción Arenal do Centro Galego da Habana. Como activista social e defensora dos dereitos sanitarios e sociais das mulleres galegas en Cuba participou na fundación de Hijas de Galicia en 1917, sociedade da que foi a primeira muller vicepresidenta. En 1923, en representación de Hijas de Galicia, tivo unha destacada intervención no I Congreso de Mulleres de Cuba.
Os actos comezan ás 10:30h. no Parque da Lembranza e Cemiterio Vello con unha ofrenda floral e lectura poética. A partir das 12:00h seguirase no Auditorio Municipal Pascual Veiga coa mesa coloquio “Andrea López Chao e a influenza doutras mulleres da época no seu labor na emigración: Rosalía de Castro, Emilia Pardo Bazán e Concepción Arenal”.
As 14:30h. na área da Fervenza (Viloalle) procederase ao acto de inauguración do Centro de Interpretación da antiga Fábrica Electricista Mindoniense.
As 19 horas na Praza do Concello ofrecerá un Concerto Banda de Música “Sons e Soños” e posteriormente descubrirase un panel informativo na rúa Casas Novas, a carón da casa natal de Andrea López Chao.
A seguir, ás 20:30h, e no Auditorio Municipal Pascual Veiga terá lugar unha mesa coloquio arredor do labor de Andrea López Chao en Cuba, e poñerá fin á xornada a presentación do nº 4 de ‘Mondoñedo na Memoria’, xornal dedicado monograficamente á homenaxeada.
Domingo, 2 de xullo: Homenaxe a Andrea López Chao
O domingo ás Xornadas trasladaranse a Escola Habaneira de Santaballa (Vilalba) para desenvolver varios actos e mesas arredor do legado da emigración galega en Cuba.
O programa destas xornadas, confeccionado por unha ampla comisión presidida polo alcalde Mondoñedo, Manuel Otero Legide, parte da iniciativa do Concello de Mondoñedo e da Asociación “Abrindo Camiño” de Amigos do Camiño Norte de Santiago, e contan coa colaboración Liga Santaballesa, Concello de Vilalba, vicepresidencia e área de Cultura da Deputación Provincial de Lugo, diferentes consellerías da Xunta de Galicia, o Consello da Cultura Galega e outras entidades, colectivos e profesionais.
Todas as actividades son de asistencia libre e gratuíta.
Anexamos cartel, programa completo, o xornal monográfico ‘Mondoñedo na Memoria (PDF), unha fotografía e unha síntese biográfica de Andrea López Chao.Mondoñedo, 29 de xuño de 2023
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
