O Valadouro, 20 de maio, 2023. O presidente do PPdeG reiterou que, na última fin de semana de campaña, a mensaxe e os obxectivos da súa formación seguen plenamente vixentes: “Queremos estender o modelo de estabilidade, certeza e sentidiño de Galicia a todos os concellos galegos”
Recoñecendo que as sensacións son “boas”, animou a todos os seus candidatos a “seguir traballando con humildade e non dando nada por ganado” e pediulles que se centren unicamente en gañar as eleccións para poder gobernar
Rueda contrapuxo que, mentres os candidatos do PPdeG están dedicados a explicar o seu proxecto e o que queren facer nos seus concellos os vindeiros catro anos, o resto de forzas políticas están inmersas nun clima de crispación e “intentando disimular as alianzas que farán despois”
O líder dos populares galegos mostrouse tamén sorprendido polo “enfado que produce nalgúns oír as verdades”, facendo referencia ás alianzas do PSOE con Bildu a nivel nacional e ao feito de que o BNG “traia de paseo aos seus actos en Galicia” a líderes da formación abertzale
“Mentres algúns dedican todo o seu tempo a alporizarse e a intentar negar as verdades en vez de explicar os seus programas, nós imos seguir como ata o de agora porque somos un partido de certezas e estabilidade” concluíu ao tempo que aseguraba que isto se ía demostrar a partir do 28 de maio en toda Galicia e comezando polo Valadouro da man de José Manuel Lamela
UN GOBERNO SERIO E ESTABLE FRONTE AOS DESENCONTROS
O candidato á alcaldía agradeceu a presenza de Alfonso Rueda no Valadouro e reivindicou que a súa candidatura é a única que garante un goberno serio e estable para o concello fronte aos desencontros e a falta de xestión que marcaron os últimos anos
Reprochou ao alcalde socialista que non cumprise a metade das súas promesas electorais de 2019 e puxo como exemplo da súa mala xestión o feito de que se deixasen estragar os invernadoiros construídos co apoio da Deputación provincial sen poñer en marcha ningunha actividade vinculada a horta
Lamela presumiu dun equipo formado por persoas comprometidas e que combinan experiencia e renovación, con perfís vinculados ás necesidades deste municipio mariñao
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
