O rexedor e candidato á reelección explicou que se presenta a esta nova cita electoral “polo gran apoio que me dá a veciñanza no meu día a día, e tamén porque estou acompañado dun gran equipo de homes e mulleres, no que se inclúen novas incorporacións, que aúnan experiencia, seriedade, ganas e empeño para mellorar Xermade”
Xermade, 7 de maio de 2023. O Alcalde de Xermade, Roberto García Pernas, é novamente o candidato socialista ás próximas eleccións municipais do 28 de maio. “Quero facer realidade a construción do museo da tornería, un centro de día e un novo centro social en Xermade”, subliñou o rexedor e candidato.
A Agrupación Socialista do municipio celebrou este domingo pola mañá na Casa da Cultura a presentación da lista electoral encabezada por Roberto García Pernas, un encontro que contou coa participación do Secretario Xeral do PSdeG na provincia de Lugo, José Tomé Roca, e a Deputada autonómica Patricia Otero, entre outros responsable orgánicos do partido, militantes, simpatizantes e veciños e veciñas do concello e da comarca chairega.
O líder dos socialistas na provincia gabou a xestión de García Pernas ó longo destes 8 anos á fronte do Concello de Xermade, asegurando que “é un gran Alcalde e por iso vai gañar as eleccións municipais, para continuar pola senda de progreso, de futuro, seriedade e traballo ben feito que abriu” neste municipio.
Neste sentido, incidiu en que o rexedor e candidato á reelección “é un bo xestor”, que “sabe escoitar e coloca por diante os interese dos veciños”, “defende os servizos públicos, traballa polo rural, e que reclama para o seu concello aquelo que lle parece de xustiza, aqueles proxectos que melloran a calidade de vida dos veciños e veciñas, e que favorecen a actividade económica e o emprego en Xermade”.
O Secretario Xeral dos socialistas na provincia recalcou o traballo feito no municipio chairego neste último mandato coa colaboración da Deputación de Lugo, que destinou practicamente tres millóns de euros para a veciñanza, dos cales, destacou, a metade foron para completar a renovación dunha estrada fundamental como é a de Momán ás Pontes. “Esa gran obra pendente, que me comprometín a finalizar neste mandato, e que cumprimos, como facemos as cousas os socialistas, con feitos, non con propaganda”, afirmou.
“Planificar, xestionar e cumprir. Iso é o que seguiremos facendo despois das eleccións, porque Roberto vai seguir sendo Alcalde e porque os socialistas seguiremos no Goberno da Deputación”, asegurou José Tomé.
Pola súa banda, o candidato socialista sinalou que se presenta a esta nova cita electoral “polo gran apoio que me dá a veciñanza no meu día a día, e tamén porque estou acompañado dun gran equipo de homes e mulleres, nas que este ano se inclúen novas incorporacións, que aúnan experiencia, seriedade e, sobre todo, ganas e empeño para mellorar Xermade”.
Roberto García explicou que ao longo destes anos “fixemos un gran esforzo cumprindo con practicamente todo o programa electoral que levamos no ano 2019”. Entre as actuacións acometidas, aludiu ó asfaltado e aglomerado de vías, melloras de pistas agrícolas e forestais, arranxos de beirarrúas, novos parques infantís, depósitos de auga para granxas e extinción de incendios, novas captacións de auga e mellora da rede municipal, cambio de luminarias por outras de baixo consumo, mellora de locais sociais, de campos de fútbol, saneamentos ou a ampliación do parque de maquinaria para mantemento e conservación de estradas e dotacións municipais, entre outras.
Tamén en servizos sociais, o Goberno de García Pernas fixo “un gran esforzo para a atención dos nosos maiores, así como todo tipo de actividades culturais para nenos e nenas, e asociacións de veciños”. “Por todo isto”, aseverou, “queremos seguir traballando con honradez e transparencia, e contando coa colaboración de toda a veciñanza de Xermade. Aínda temos moitos camiños que percorrer xuntos”, subliñou.
Candidatura do PSdeG ás eleccións municipais de Xermade
A candidatura socialista de Xermade está composta polos seguintes candidatos e candidatas:
1. Roberto García Pernas
2. José Prieto Barro
3. Carlos Alberto Guerra González
4. Verónica Amarelo Morado
5. Nélida Coira Pena
6. Santiago Silva Guizán
7. Carlos Guerreiro Prieto
8. Marta María López Pardo
9. Álvaro García Iglesia
Suplentes: Olga Iglesia Cideres; Martín Tomás García Joven; María Del Pilar Gómez Gato e María Dolores Vérez López.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
