O PP do Valadouro comprométese a que as festas patronais se volvan celebrar na praza de Ferreira

Os populares apostan por potenciar o centro do pobo durante as festas, pero tamén ao longo do ano

O Valadouro, 2 de maio de 2023. “As festas patronais de Ferreira volverán a celebrarse na praza do pobo se o Partido Popular ten a oportunidade de gobernar a partir do 28 de maio”. Así o manifestou o candidato popular á alcaldía, José Manuel Lamela, atendendo á vontade da maioría dos veciños e veciñas: “É o sitio onde sempre se fixeron e onde a xente quere que se volvan facer”, incide.

Lamela considera que “celebrar as festas do 8 de setembro no centro do pobo contribuirán a dar vida ao centro de Ferreira e tamén a dinamizar os negocios do pobo”.

O Partido Popular, que se presenta como a única alternativa aos “desgobernos da esquerda”, aposta por potenciar ao longo do ano o centro, como é a praza de Ferreira.