Burela, a 11 de maio de 2023. Os traballadores e traballadoras da recollida de lixo e limpeza viaria do Concello de Burela volvéronse concentrar este xoves diante da Casa Consistorial para reclamar un convenio colectivo digno que supoña unha mellora real nas súas condicións laborais e nos seus salarios, que practicamente teñen conxelados dende 2011.
Despois da protesta, houbo unha nova reunión da mesa de negociación na que se trasladou á empresa a oferta salarial deseñada polo cadro de persoal para o pago das cantidades compensatorias polos anos 2023 e 2024 e as subas correspondentes aos exercicios 2025, 2026 e 2027.
“En principio, explica Xoán Díaz, secretario comarcal da CIG-Servizos, aínda que Urbaser indicou que lle parecía unha cantidade económica elevada, dixo que ía analizar os números polo miúdo e que nos darían unha resposta”. Unha resposta que, agardan, será unha contraoferta á proposta social.
Así as cousas, o persoal mantén o calendario de mobilizacións diarias no Concello de Burela e a convocatoria de folga indefinida que, de non producírense avances substanciais nas negociacións, comezaría o próximo 22 de maio.
Negociando dende novembro
As negociacións para o convenio colectivo comezaron en novembro pasado pero até o momento non foi posíbel chegar a un acordo definitivo a causa da insuficiente oferta económica da empresa, que alega que o contrato é deficitario. Para o secretario da CIG-Servizos de Lugo-A Mariña este argumento non é máis que unha escusa.
“Custa crer que unha empresa da dimensión de Urbaser poida fallar tan estrepitosamente na previsión cando presentou a oferta e cando a concesión actual se licitou en 200.000 euros máis que a anterior”. Tampouco se entende, engade Díaz, que se realmente resulta deficitaria, a empresa non abone a cláusula de penalización e rescinda unilateralmente o contrato, que aínda remata en 2024.
Por iso, reclámalle á empresa que asuma as xustas demandas do persoal e dea un paso adiante para un acordo definitivo de convenio. “O tempo pasa e as condicións do cadro de persoal cada vez quedan máis desfasadas, pois as únicas subas salariais que tiveron foron as obrigadas polo incremento do SMI e estas non cobren nin de lonxe os actuais custes de vida nun momento ademais de inflación disparada”.
Hai que lembrar que o convenio que regulaba as condicións deste colectivo (que presta os servizos de limpeza viaria, recollida de lixo, xestión do punto e limpeza de praias de Burela) decaeu en 2011 e dende entón o persoal ten practicamente conxelados os seus salarios.
Pero ademais, a falta dun convenio de referencia provoca un baleiro e que nestes momentos haxa traballadores/as de primeira e de segunda, xa que mentres o persoal subrogado de anteriores empresas conserva os dereitos recoñecidos nese convenio, o persoal con menos antigüidade ten os dereitos mínimos recollidos no Estatuto das persoas traballadoras.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
