Burela, 20 de maio. Este sábado ás 21.00 horas no Pavillón Municipal Vista Alegre de Burela comezou o Primeiro Partido de a Fase 1 dos PlayOff de Ascenso a Primeira Federación de Futsal Masculino, no que o Pescados Rubén Burela FS se enfrontou ao A.D. Salga 10 Zaragoza nun encontro de infarto no que o equipo laranxa empatou o partido en dúas ocasións nos últimos segundos de xogo, ao final do partido e ao final da prórroga, levando aos penaltis nos que un Pescados Rubén Burela FS que traballou moito este campo estas semanas, resultou vencedor cun marcador final (3) 4 – 4 (1). Aínda que o Burela FS non tivo “o seu mellor partido” e o Sala 10 Zaragoza xogou ao grande, a ilusión, as ganas e o empeño do equipo mariñán e todo un pavillón cheo apoiandoo, conseguiron o que parecía imposible en dúas ocasións, levándose o partido cos deberes feitos.
Na primeira parte, do mesmo xeito que durante todo o xogo, ambos equipos mantéñense bastante igualados. O Pescados Rubén Burela FS comeza animado e con forza cun gol de Pitero xa no minuto 2 tras unha contra de Isma e un pase de Eloy. Pero no minuto 4 Carlos García empata 1-1 o partido. No minuto 7, Rikelme volve subir o marcador, 2-1 cun disparo tras un pase de David Pazos. Dúas oportunidades máis de Pazos no minuto 8 e no 9 e moito xogo de balón por parte de ambos os equipos, chega de novo o empate cun gol de Óscar Villanueva no minuto 15 tras un roubo de balón a media pista. Chega o descanso 2-2 no marcador.
Na segunda parte vivimos un encontro tenso para o Burela, con moitas ocasións de perigo e momentos de dominio do equipo rival. No minuto 34 chega o 2-3 cun gol de Richi Felipe de penalti e no 37 David Rial comeza a apostar polo porteiro-xogador con Isma e despois de dúas oportunidades moi claras de Pitero e Eloy e tanta tensión como esperanza no ambiente, chega o gol do goleador David Pazos que empata nos últimos segundos de xogo, 3-3. Chega a prórroga e sae o Burela con Pitero, Pazos, Alberto, Isma e Michal Kaluza. Tras unha boísima oportunidade de Isma cun rexeite despois doutra oportunidade de Pitero, chega o gol do Zaragoza con Adrián Rivera desde fóra de área, de novo 3-4. Volve o Pescados Rubén a xogar de 5, esta vez con Pitero, e de novo mantense a tensión ata o último minuto, cunha ocasión clarísima de Isma no minuto 45 que para Iván Bernad. Acábase o tempo e parece que o resultado está sentenciado pero Nando remonta o marcador de novo nos últimos segundos de xogo, poñendo en pé ao pavillón Vista Alegre enteiro e conseguindo pasar aos penaltis onde despois de catro disparos, por parte do equipo burelense Nando, Isma, David Pazos e Pitero e outros catro por parte do Sala 10 Richi Felipe, Adrián Rivera, Mateo Flores e Tomás Pescio, o Burela leva o partido con 3 goles encaixados e un fallado, ao contrario que o equipo rival que consegue un gol pero falla 3 grazas a un gran Michal Kaluza.
Jorge Palos móstrase orgulloso do seu equipo por facer fronte e case vencer ao Burela no seu terreo, cousa nada fácil, no seu primeiro partido de playoff, declara “era o meu primeiro partido de playoff, dixéranme que era espectacular pero non me imaxinaba que ía ser tanto (risas), creo que foi un partidazo imaxino que para a xente desde fóra gozaría moitísimo, tanto aquí como os que o viran desde a casa, este é o nivel de Segunda División e isto é o que custa gañar partidos. En canto a nós creo que fixemos un partido fantástico, creo que dos mellores da tempada, senón o mellor, por vir onde era e polo equipo contra o que era”, agora prepárase xa para o próximo encontro en Zaragoza.
David Rial recoñece que “É verdade que a xustiza diría que hoxe tiña que gañar Zaragoza, creo que nos sentimos moi incómodos durante todo o partido, non sei se unha cuestión de tensión, de sentirnos presionados, sabíamos que son un equipo veterano e ían manexar ben este tipo de escenarios pero estivemos moi incómodos. Non tivemos fluidez con balón, en defensa tampouco fomos capaces de roubar, creo que o inicio si que é bo, que nos poñemos por diante e é bo, pero a partir de aí eles foron superiores a nós. Pero sobrevivimos”, “soubemos sobrevivir nos momentos clave, que era o máis importante, que o equipo fose duro de cabeza, que soubésemos sobrevivir e creo que nos momentos importantes estivemos por diante e tal e como remontamos os penaltis, a nivel mental eu creo que nós estabamos un pouquiño mellor para afrontalos que eles”. Tras falar un intre sobre os efectos psicolóxicos da montaña rusa que foi o encontro para os xogadores, “tratar de estar tranquilos, non estabamos cómodos, pero tratar de ter tranquilidade, tampouco arriscar moito para que o partido non rompese, chegar vivos ao final e crer. Díxenllelo agora ao final, creo que desde o primeiro día ata o último, desde o primeiro día que pisamos Vista Alegre o equipo creu no que facía”. Doutra banda tamén insiste en que nos penaltis “non hai loterías”, lévanos traballando toda a semana e dá o parabén ao equipo e especialmente a Michal que se levou moitos balonazos esta semana pero valeu a pena.
O próximo encontro será en Zaragoza, o venres día 26 de maio ás 20.30 horas.
Ficha Técnica Pescados Rubén Burela FS – A.D. Sala 10 Zaragoza
Pescados Rubén Burela FS: M. Kaluza (P), Lucho (C), Nando, Rikelme, David Pazos – cinco inicial -, Nito, Pitero, Alberto, Antón Arnejo, Eloy, Bruno (P).
A.D. Sala 10 Zaragoza: Iván Bernad (P), Óscar Villanueva, Mateo Flores, Adrián Rivera, Carlos García, -cinco inicial-, David Yera, Alberto Inés, Richi Felipe, Carlos Retamar, Tomás Pescio, Marcos Forga, Adri Ortego, Dani Álvarez (P).
Goles: Min.2 Pitero 1-0; min.4 Carlos García 1-1; min.7 Rikelme 2-1; min.15 Óscar Villanueva 2-2; min.34 Richi Felipe 2-3; min.39 David Pazos 3-3. Prórroga. Min.43 Adrián Rivera 3-4; min.46 Nando 4-4. Penaltis: Nando (1) 4 – 4 (0); Ricardo (1) 4 – 4 (0); Isma (1) 4 – 4 (0); Adrián Rivera (1) 4 – 4 (0); David Pazos (2) 4 – 4 (0); Mateo Flores (2) 4 – 4 (1); Pitero (3) 4 – 4 (1); Tomás Pescio (3) 4 – 4 (1).
Equipo Arbitral: Berta García Vázquez, Eder Gómez de Salazaar, Roberto Segundo Amor Vizoso, Miguel Bardera Borbolla.
TA: min.21 Óscar Villanueva, min.23 Rikelme, min.26 David Rial, min.35 Alberto.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
