Ribadeo, 18 de maio, 2023. O BNG de Ribadeo lamenta que unha vez máis, e xa van tres, nin Daniel Vega, nin Alfonso Rueda sexan quen de concretar, negro sobre branco, a cantidade que van destinar á reforma integral do Hospital Asilo de Ribadeo. Presumen do que non é máis que xestión ordinaria das diferentes consellarías, pero non concretan ningunha inversión nova para o noso concello.
Cando Alfonso Rueda visita Ribadeo en plena campaña electoral e nos comenta que con Daniel Vega e a súa capacidade de xestión Ribadeo está moi ben atendido na Xunta de Galicia non acabamos de ver en que se ve reflectido na vida diaria do noso concello. Desde a Xunta de Galicia, e desde o Partido Popular, queren converter en algo excepcional o que é o desenvolvemento cotián da actuación da Xunta en Ribadeo e en calquera concello. Non nos poden vender como excepcional e trato preferente o que é unha obriga para a Xunta. O funcionamento cotián das consellarías en Ribadeo non é milagre dun deputado, senón o desenvolvemento normal da actividade dunha consellaría, que, por certo, non o fai nada ben.
Comentaron Daniel Vega e Alfonso Rueda que analizaron os investimentos feitos en Ribadeo durante o último mandato. Mesmo o deputado e concelleiro Daniel Vega insistiu en que se trata de compromisos moi concretos e cunha xestión previa. No BNG de Ribadeo, e cremos que a cidadanía ribadense, non acabamos de entender a que compromisos se refire Daniel Vega. Onde vai o orzamento necesario para levar a cabo a reforma integral do hospital asilo? Con tan pouco se conforma Daniel Vega que acepta como excepcional o que ten que ser a reacción ordinaria dunha consellaría: se se reforma unha residencia de maiores, haberá que buscar ubicación temporal alternativa mentres se produce esa reforma. ou acaso pretendía a Xunta renunciar a cumprir coas súas obrigas?.
Está claro que rehabilitación integral do Hospital Asilo vaina haber con ou sen colaboración económica da Xunta. Desde logo, o que si non podía faltar, por ter a obriga de facelo, é recolocar os usuarios e usuarias namentres se faga a reforma. Ese esforzo que ten que facer a Xunta non pode ser publicitado como o grande compromiso da Xunta con Ribadeo. É a obriga básica con Ribadeo ou calquera outro concello nas mesmas circunstancias.
Pero, para intentar enlear máis a situación, agora a Xunta reclama xa uns terreos para facer o novo centro de saúde. Mesmo días atrás, reclamaban unha cantidade de diñeiro por parte do Concello de Ribadeo para facer ese centro de saúde. A técnica da lura que solta a súa tinta para defenderse emborranchándoo todo. Non achegan diñerio para o Hospital Asilo, pero reclámanllo ao Concello para facer o Centro de Saúde que ten que construír a Xunta de Galicia.
A maiores, esixen xa uns terreos que, eles ben o saben, non se poden achegar sen antes rematar todo o proceso de modificación puntual do PXOM para que os terreos escollidos pola Xunta, de entre a quenda facilitada polo Concello de Ribadeo. Que a Xunta emita os seus informes, preceptivos, sobre a proposta de modificación puntual do PXOM aprobada polo Concello de Ribadeo para que poidamos seguir adiante e proceder á expropiación dos terreos para a construción do centro de Saúde. Por certo, señor Rueda: lembre que se comprometeu a dedicar 3,5 millóns de euros para dito centro de saúde. Querémolos ver, no papel, nos vindeiros orzamentos da Xunta. E tamén queremos que dito centro de saúde estea ben dotado do persoal necesario para atendelo debidamente. E mentres tanto, cubra as baixas do actual centro de saúde, e as vacacións, e as vacantes. Non vaia ser o demo que, de tanto soñar co novo centro de saúde, esquezamos que temos que atender en condicións o que aínda segue en pé.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
