Viveiro, 14 de maio, 2023. Co BNG no goberno de Viveiro crearase o Consello Escolar Municipal, unha necesidade que constatou a súa urxencia durante a xuntanza coas ANPAS que levou a cabo Míriam Bermúdez, onde estas compartiron inquedanzas e un sentimento mutuo de abandono polas administracións. “Reunirse e coordinarse é fundamental, é necesario un órgano como o Consello que facilite a comunicación entre toda a Comunidade Educativa, un mecanismo que nos permita estar cerca e coñecer de primeira man as necesidades dos centros de ensino e decidir actuacións en beneficio das crianzas”
A portavoz do BNG, Míriam Bermúdez, considera esta ferramenta indispensable para previr situacións tan graves como a que leva arrastrando dende hai uns 10 anos o CEIP Santa Rita de Galdo, cando se detectou por parte do centro que había couza en varios elementos da carpintaría así como outros problemas en canto a humidades e deterioro da instalación.
O BNG ten constancia que por parte do equipo directivo foron múltiples os contactos coa Xefatura Territorial, mesmo presentando unha proposta valorada para substituír todos os elementos de madeira do centro, que suporía acabar co problema.
Cabe destacar que nese momento, ocupaba a Xefatura Territorial a actual candiadata do Partido Popular, Mª del Carmen Gueimunde, que coñecedora da problemática evitou acometer as obras necesarias argumentando varias desculpas: que non había cartos, non era o momento, había outras prioridades… O máis que se fixo foi unha actuación parcial que non solucionou o problema. Un gasto inútil que fixo que o deterioro fose a máis e que o alumnado do centro leve dous anos sufrindo as picaduras dos parásitos da couza.
“É inconcebible que a responsable da Xefatura Territorial no momento, actual cadidata do Partido Popular, ignorase desta maneira unha situación tan grave que incluso afecta á saúde dos máis pequenos”. Míriam Bermúdez, chama a toda a veciñanza a acudir á manifestación convocada pola ANPA do CEIP de Galdo para reivindicar unha actuación urxente.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
