Ata o momento, son 16 as entidades locais que se subscribiron a este programa que ofrecerá o servizo a través dunha oficina autonómica e catro equipos antena en cada unha das provincias
Lugo, 4 de maio de 2023. A subdelegada do Goberno en Lugo, Isabel Rodríguez, animou hoxe ás entidades locais da provincia a adherirse ao programa do Goberno para axilizar e facilitar o acceso dos municipios aos fondos do Plan de Recuperación, Transformación e Resiliencia e garantir, deste xeito, a súa correcta xestión e execución. Isabel Rodríguez mantivo este xoves unha reunión na Subdelegación co xerente da empresa pública Tragsa na provincia, Manuel Escariz; e co coordinador do plan en Lugo, Javier Otero, para supervisar o desenvolvemento deste servizo que o Ministerio de Facenda e Función Pública promove a través de Tragsatec, filial pública.
A subdelegada destacou o impacto deste proxecto estatal na provincia, onde o Plan de Recuperación está impulsando máis de 2.500 actuacións nos 67 concellos lucenses. Neste senso, incidiu na importancia desta iniciativa para maximizar estes fondos e despregar os investimentos de forma eficaz en todo o territorio.
Ata o momento, son 16 as entidades locais que se subscribiron a este programa, orientado principalmente a localidades de menos de 5.000 habitantes, pero tamén está aberto a outras administracións, como é o caso das deputacións. Concretamente, os municipios adheridos ao plan son Antas de Ulla, Bóveda, Lourenzá, Negueira de Muñiz, A Pobra do Brollón, Rábade, Riotorto, Ribas de Sil, Sober, Xove, Palas de Rei, Portomarín, Cervo, Abadín, A Pontenova e Pol.
Asesoramento técnico
Tragsa oferta este servicio de asistencia técnica, a través da súa filial Tragsatec, dende o pasado 15 de marzo. Para poder acceder a esta asistencia, as entidades deben adherirse voluntariamente ao programa, dirixido desde a Secretaría Xeral de Orzamentos Europeos do Ministerio de Facenda e Función Pública, sen que a súa adhesión implique obrigas adicionais ás xa recollidas na normativa que rexe para todas as entidades executoras do PRTR. Tragsa, pola súa parte, encárgase de axudar en todo o proceso ás entidades adheridas, desde as convocatorias ata a resolución, con especial incidencia no manexo da plataforma CoFFEE, un sistema de información integrado no que os xestores designados por cada administración -previa formación- dan conta do avance dos proxectos. Tamén velará polo cumprimento do código de boas prácticas e das obrigas de xestión do Plan de Recuperación.
As xestións que ofrece este servicio son complementarias ás que xa veñen desenvolvendo a Subdelegación e a Delegación do Goberno nos diferentes concellos. Para iso, a empresa pública conta cun equipo de asistencia central, outro a nivel autonómico e un equipo antena en cada unha das catro provincias. Nestes intres, Tragsa está rematando de conformar estes equipos, que comezarán a funcionar de forma inmediata
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
