Ribadeo, 12 de maio de 2023. Nas instalacións de Acisa Ribadeo foron entregados os premios ás gañadoras da campaña do día da nai.
A presidenta de Acisa, Carmen Cruzado, comentou que “xa se coñecen os gañadores da campaña do día da nai. O sorteo tivo lugar este pasado mércores nas nosas instalacións. A gañadora da experiencia de desconexión para dúas persoas doada por Viaxes Eroski é Alicia Álvarez Fernández, por unha compra na Farmacia Álvarez Lebredo. A gañadora dun bono de 6 meses para BeOne é María Teresa Acevedo Pérez, por unha compra en Óptica Carreira. E a gañadora dos 100 euros en vales de compra doados por Acisa Ribadeo é Ana Vijande Iglesias, por unha compra feita en Bis a Bis. Dende Acisa estamos moi satisfeitos co resultado desta campaña na que se repartiron 10.000 rifas, e na que nos comercios e a hostalaría nos indican que houbo bos datos de vendas”.
E engade: “queremos agradecer especialmente aos ribadenses e á veciñanza da comarca a confianza no comercio local para celebrar esta data e tamén aos nosos colaboradores, nesta ocasión BeOne e Viaxes Eroski”.
No acto de entrega dos premios participaron o director do centro deportivo BeOne en Ribadeo, Javier Canel, a presidenta e o xerente de Acisa, Jesús Pérez e Carmen Cruzado. O premio de María Teresa Acevedo foi recollido por unha amiga súa e Ana Vijande Iglesias acudiu noutro momento a recoller o seu agasallo.
Rasca e gaña
O xerente de Acisa, Jesús Pérez, lembra que “hoxe comeza unha gran campaña en Ribadeo na que animamos a todos e todas a participar. Comeza o Rasca e Gaña de Acisa, no que se poñen en circulación 100.000 rascas, dos que máis de 15.000 teñen premio. Cando presentamos esta campaña dixemos que se trata probablemente da campaña con maior valor nos seus premios, e non esaxeramos xa que estamos a falar de que o valor dos premios pódese estimar en alo menos 180.000 euros, sen dubida algunha trátase da de maior valor que tivo calquera campaña na historia de Acisa Ribadeo”.
Pérez Prada subliñou: “temos moi boas expectativas postas nesta campaña, son 100.000 rascas os que se poñen en circulación, a campaña dura aproximadamente mes e medio. Coa prudencia que sempre requiren as cifras, facendo unha media de gasto de 30 euros por rasca entregado estaríamos a falar dun movemento económico de 2 millóns de euros, sen contar o posterior que xerarían os propios premios ao ser utilizados para novas compras ou consumicións. É dicir a repercusión económica será dobre, a da venta pola que che dan o rasca e a da venda para desfrutar o premio. Isto sen dubida algunha fai que esta poida ser a campaña con maior repercusión realizada por Acisa Ribadeo e con maior impacto económico. Con esta filosofía e coa que naceu o Rasca e Gaña de Acisa Ribadeo”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
