Ribadeo, 26 de maio de 2023. Concello de Ribadeo e Deputación de Lugo asinaron o convenio para a mellora da rúa Manuela Barreiro Pico, que suporá un investimento de máis de 214.000 euros.
A concelleira de Obras, Mónica Freire, sinalou que “desde o goberno municipal levamos anos tentando mellorar a rede de vieiros do noso concello. Así o fixemos con rúas como Justo Pico de Coaña ou a estrada dos Garitos, ou incluso con barrios enteiros como o da Pega ou o de San Miguel”.
A edil ribadense dixo que “sen embargo, somos conscientes que aínda queda moito por facer, sendo a rúa Manuela Barreiro Pico un espazo que se atopa moi deteriorado por mor de sucesivas avarías e fugas, e tamén polas obras de construción de varias vivendas nos últimos tempos. Logo de que os técnicos municipais elaboraran o proxecto técnico e de dialogar cos numerosos propietarios para conseguir a cesión dos terreos necesarios para non comprometer o ancho contemplado no Plan Xeral de Ordenación Municipal, fai uns días solicitamos á Deputación de Lugo un convenio excepcional de colaboración para financiar esta actuación, que xa foi aprobado e asinado”.
Freire Rancaño explicou que “o proxecto contempla a dotación de nova tubaria para abastecemento así como as acometidas as vivendas, incluída as conexións coas tubarias existentes; colocación de novo colector de saneamento en toda a lonxitude da rúa, dispoñendo de novos sumidoiros e pozos de rexistro, realizando a conexión coa tubaria existente; substitución das farolas e luminarias existentes, por outras en LED de 60W de dobre nivel, dispoñendo una nova canalización soterrada en toda a rúa, incluíndo a desmontaxe das luminarias existentes e a nova colocación; disporanse tamén novas luminarias para a iluminación dos novos pasos de peóns; disporase tamén unha nova capa de rodadura de pavimento asfáltico ao longo de toda a rúa; e colocaranse novo mobiliario urbano e sinalización horizontal e vertical”.
Estas obras supoñen unha inversión de 214.696,39 euros e serán financiadas pola Área de Medio Rural da Deputación de Lugo. O período máximo de execución das obras desde a súa adxudicación será de cinco meses.
A tamén responsable da Área de Medio Rural da Deputación de Lugo subliñou que “logo da sinatura do convenio procederemos á licitación destas obras, para poder comezar coa súa execución canto antes. En conxunto, as obras supoñen unha decidida aposta pola humanización desta área e, por extensión, pola calidade de vida e a recuperación de espazos nesta zona de Ribadeo”.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
Realizouse en dúas sesións, unha teórica e outra práctica. Na práctica contouse coa colaboración dos mestres Eloy Roces, Félix Bargados, Ángel Areas, Francisco Martins e Lino Gómez Feito. Nel actualizou a súa titulación de Xuíz de Tribunal Nacional de Graos o profesor do Club Shitokai Asturias Galicia, Julián Martín. Pola tarde celebrouse o exame de Cinto Negro ata 8º Dan. Os karatekas pertencentes ao Club de Karate de Ribadeo obtiveron os seguintes graos: Miguel Sanz Delgado, Cinto Negro 2º Dan. Janet Villarino Vizoso, Cinto Negro 1º Dan. Ambos coa idade mínima no seu Grao.
O Deputado de Medio Ambiente, Carlos López, participou no encontro, que serviu para perfilar os detalles da XLI edición deste certame, que terá lugar do 4 ao 6 de abril.
