A Deputada de Economía, Recadación e Facenda, Mayra García Bermúdez, participou hoxe no concello burelés na presentación desta cita, que forma parte das actividades coas que colabora a institución provincial como parte do seu apoio a FADEMGA
Lugo, 4 de maio de 2023. A Deputada de Economía, Recadación e Facenda, Mayra García Bermúdez, participou este xoves no Concello de Burela na presentación da Maratón Urbana de Special Olympics xunto ao Alcalde da localidade mariñana, Alfredo Llano García, o presidente de FADEMGA (a federación galega de asociacións en favor das persoas con discapacidade intelectual ou do desenvolvemento), Eladio Fernández, a Concelleira de Servizos Sociais e Mar, Carmela López, e o Concelleiro de Deportes, Ramiro Fernández Rey. O Concello burelés organiza esta proba que atraerá a participantes de colectivos de toda Galicia, xunto a FADEMGA e á Fundación Eu Son, entidades coas que colabora a institución provincial.
Burela acollerá o vindeiro sábado a 25 edición desta competición, que forma parte do programa deportivo que, anualmente, leva a cabo a entidade galega para promover a práctica deportiva entre as persoas con capacidades diferentes e ao que a Deputación de Lugo achega 8.000€.
Mayra García Bermúdez felicitou ao Concello por respaldar o evento e quixo facer un recoñecemento especial para “os atletas, para as súas familias e para todo o equipo de colaboradores e voluntarios que fai posible a maratón”. “Falar de deporte é sempre falar de valores, pero poucas veces isto é tan certo como nos certames de Special Olympics. Un exemplo do deporte como exercicio de esforzo persoal, de convivencia e de integración social”, afirmou.
Así mesmo, quixo dar valor ás actividades de Special Olympics, que “poñen sempre o acento en todo aquelo que nos une: a capacidade de loita e o desexo de superar os retos. Todas e todos aspiramos a gañar e, en caso de non poder facelo, a competir de xeito valoroso, leal e con respecto ó contricante”.
“Hoxe presentamos unha fermosa e apaixonante xornada de deporte e de convivencia, e, sen querer facer trampas, xa podo quen vai gañar: o conxunto da sociedade”, subliñou a Deputada.
A proba sairá o sábado, ás 12:00 horas, da Praza do Concello de Burela e percorrerá algunhas das rúas principais da localidade, como Pardo Bazán ou Rosalía de Castro. Está previsto que compitan máis de 150 atletas, que estarán acompañados de 37 adestradores.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
