Ribadeo, 31 de maio de 2023. Acisa mantivo un encontro cos responsables da Garda Civil en Ribadeo tras os incidentes ocorridos hai uns días: roubos en negocios hostaleiros e pelexas na rúa.
A presidenta de Acisa, Carmen Cruzado, comentou que “como é lóxico, tras o sucedido estas pasadas fins de semana, dende Acisa quixemos manter unha xuntanza coa Garda Civil, para transmitirlle a preocupación dos nosos asociados e asociadas, xa que estes feitos prexudican a actividade empresarial e a imaxe de Ribadeo”.
E engadiu: “tras esta reunión queremos facer unha chamada á calma e á tranquilidade. Trátase de feitos illados, de aí que non debamos xeneralizar. Ribadeo é seguirá sendo un lugar tranquilo. A Garda Civil trasladounos que traballa intensamente na investigación de todos os sucesos acaecidos e que están a reforzar a vixilancia nocturna, especialmente nas horas mais conflitivas das fins de semana. Desde a Benemérita tamén nos indicaron que calquera persoa que detecte presenzas ou movementos sospeitosos a carón dos seus establecementos se poña en contacto con eles ou aqueles veciños e veciñas que visen ou escoitasen algo de noite, xa que calquera pista pode ser fundamental”.
O xerente de Acisa, Jesús Pérez, contou que “desde Acisa gustaríanos resaltar, que no tocante ás pelexas, en ningún caso se produciron dentro de establecementos asociados, onde debemos incidir en que se están a cumprir as normativas de control, de seguridade e de horarios. Estes sucesos tenden a ocorrer na rúa e nas horas de desaloxo e peche dos negocios de ocio nocturno, o que quere dicir que non se lles poden botar as culpas a eles, se non ás condutas incívicas dalgunhas persoas, que afortunadamente son unha minoría”.
Pérez Prada subliñou que “convén que nas nosas casas e coas nosas familias analicemos todas estas cuestións e que pensemos en que a educación e a cultura teñen moito que ver con todo isto”.
A presidenta da Asociación de Comerciantes, Industriais, Servizos e Autónomos agradece “a dispoñibilidade da Garda Civil de Ribadeo para reunirse con nós así como o traballo que están a desenvolver para o pronto esclarecemento duns feitos, que todo apunta a que son puntuais, e que agardamos que non se sigan a producir”.
No encontro con Acisa participaron o Brigada Comandante de Posto e un compoñente de Seguridade Cidadá da Garda Civil de Ribadeo.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
