Ribadeo, 16 de maio de 2023. Acisa Ribadeo fai un balance positivo do arranque da campaña do seu Rasca e Gaña, que deu comezo o pasado venres e que se prolongará ata o 23 de xuño. Dende a asociación destacan que se repartirá 15.000 premios valorados en máis de 180.000 euros. E o volume de negocio que xerará estímase que será superior aos dous millóns de euros.
A presidenta de Acisa Ribadeo, Carmen Cruzado, destacou: “estamos moi contentos de como arrancou a campaña do Rasca e Gaña de Acisa Ribadeo. As primeiras impresións recibidas tanto dos negocios como da clientela son moi boas. A xente está contenta, xa se comezou a entregar algún premio e isto é moi importante”.
E engadiu: “na hostalaría nesta semana ademais temos un dobre aliciente, en 13 dos establecementos participantes no Ribadeo de Tapeo, que organiza o Concello, que son asociados de Acisa, ademais de desfrutar da súa tapa, a clientela poderá pedir o seu rasca e levar un fantástico premio”.
Cruzado Iglesias declarou: “queremos insistir en dúas cousas. En primeiro lugar quero dirixirme ás asociadas e asociadas de Acisa Ribadeo para que selen os rascas antes de entregalos á súa clientela. Que non se esquezan. Como na maioría das campañas que organizamos precísase que o selo dos establecementos apareza nos rascas. E en segundo lugar dicirlle á clientela dos negocios asociados a Acisa que pidan sempre que merquen ou consuman os seus rascas. Hai 15.000 premios en xogo e queremos que todos sexan entregados”.
O xerente de Acisa, Jesús Pérez, contou que “no comercio temos un segundo aliciente maior. Onte comezou o bono activa comercio, isto quere dicir que aos descontos ou vales de compra que podes gañar para desfrutar nunha tenda grazas ao Rasca e Gaña de Acisa, podes engadirlle o desconto do bono activa comercio da Xunta. E dicir, por poñer un exemplo, se fas unha compra de 50 euros, terás o desconto de 15 euros que aplica o bono activa comercio, mais o desconto que che toque no rasca e que oscila entre o 5 e o 50 % ou con vales de compra entre 5 e 30 euros. É dicir unha compra de 50 euros podería saírche por 25 euros ou aínda menos, o que significa que poderás facer compras pagando menos da metade do prezo do produto; poucas oportunidades así temos no comercio. Nestes momentos xa hai 35 comercios de Ribadeo adheridos nos que se pode usar o bono activa comercio e 22 deles son asociados a Acisa. Estamos de seguros de que esta cifra aumentará nos vindeiros días”.
A presidenta de Acisa, Carmen Cruzado, manifestou: ”polo tanto, queremos animar a todo o comercio, pero especialmente ao comercio asociado a adherise ao bono activa comercio e a todos os ribadense a descargalo e usalo”.
E destacou: “os negocios asociados a Acisa Ribadeo contan co asesoramento da asociación para poder adherise a esta campaña e solucionar calquera dúbida e dende as nosas oficinas tamén ofreceremos asesoramento para que a clientela que poida ter problemas ou dificultades coa descarga do bono poida solucionalas”.
O xerente de Acisa, Jesús Pérez, lembrou que “en circulación están desde o pasado venres 100.000 rascas, dos que máis de 15.000 teñen premio. Cando presentamos esta campaña dixemos que se trata probablemente da de maior valor nos seus premios, e non esaxeramos xa que estamos a falar de que o importe total dos premios pódese estimar en arredor de 180.000 euros, sen dubida algunha trátase da campaña de maior valor que tivo calquera outra na historia de Acisa Ribadeo”.
Pérez Prada subliñou: “coa prudencia que sempre requiren as cifras, facendo unha media de gasto de 30 euros por rasca entregado estaríamos a falar dun movemento económico duns 2 millóns de euros, sen contar o posterior que xerarían os propios premios ao ser utilizados para novas compras ou consumicións. É dicir a repercusión económica será dobre, a da venta pola que che dan o rasca e a da venda para desfrutar o premio. Isto sen dubida algunha fai que esta poida ser a campaña con maior repercusión realizada por Acisa e con maior impacto económico”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
