Este domingo, 23 de abril, o C.S. A Xebra de Burela organiza unha charla onde falará Pedro Jorge Pereira para facer unha análise Eco-Social da cidade do Porto nas décadas máis recentes. Pereira é responsábel do Projecto Slow Motion Tours que desenvolve roteiros e programas turísticos alternativos co obxectivo de proporcionar unha forma diferente de conecer e envolverse nas realidades locais. Así, da súa man vaise poder conecer a realidade do Porto de forma profunda e significativa. O foco é os aspectos sociais, ecolóxicos e culturais que nos van permitir acceder ao lado menos conecido da cidade lusa.
