A candidata declarou que se presenta a estas eleccións “con moita ilusión e con moitas ganas de impulsar proxectos prioritarios para o meu concello, como a creación de emprego ou a mellora de servizos asistenciais para a veciñanza. Vivo na Rigueira dende fai 41 anos. Polo tanto, coñezo ben ás necesidades desta vila”
Xove , 23 de abril de 2023. Rogelia Mariña Pernas é a candidata do PSdeG-PSOE á Alcaldía de Xove. O Secretario Xeral do partido na provincia de Lugo, José Tomé Roca, mantivo un encontro coa candidatura socialista liderada por Rogelia Mariña no que recalcou que “é unha muller moi comprometida coa clase traballadora, coas mulleres e sobre todo unha gran loitadora contra as desigualdades e as inxustizas laborais. Agora dá un paso máis no fondo compromiso que xa ten demostrado co seu pobo e coa comarca para seguir traballando por un futuro mellor para todos os veciños”. “Vendo as ganas e solvencia desta candidatura, estou convencido de que acadará un bo resultado o vindeiro 28 de maio”, afirmou José Tomé.
O líder dos socialistas na provincia explicou que Xove “necesita políticas progresistas e socialistas”. “Hai que aproveitar o enorme potencial que existe neste concello e nesta comarca, e facelo escoitando á xente e resolvendo os seus problemas, cun proxecto pensado para os veciños e veciñas de Xove, centrado nas persoas e nos colectivos sociais que a conforman”, incidiu.
Isto contrasta coa actitude do PP, que “só vén á Mariña para criticar ó Goberno do Estado e para facerse fotos, pero nunca para aportar solucións ós problemas dos mariñanos. O PP traizoou á Mariña con Altri, mete medo co futuro da pesca, da industria ou das infraestruturas, pero onde o PP mete medo, os socialistas facemos propostas, poñemos ilusión, ideas e iniciativas”, asegurou o Secretario Xeral do PSdeG na provincia.
Rogelia Mariña explicou que se presenta a estas eleccións “con moita ilusión e con moitas ganas de impulsar proxectos prioritarios para o meu concello, como a creación de emprego ou a mellora de servizos asistenciais para a veciñanza. Vivo na Rigueira dende fai 41 anos. Polo tanto, coñezo ben as necesidades do meu concello. Estrou preparada para afrontar este novo reto”.
Candidatura renovada e comprometida
“Únome a este proxecto político socialista e progresista, formando parte dunha candidatura renovada de mulleres e homes deste concello, comprometidos para traballar polo futuro do noso pobo. É o momento de falar de futuro e construílo entre todos cun cambio de timón. E por suposto, tamén é o momento de entendernos sen crispacións, con respecto e educación, e de loitar por un obxectivo común, como é Xove”, incidiu.
A candidata subliñou que coa presentación desta candidatura “damos un paso cara adiante firme e comprometido, xa que non podemos quedarnos quedos diante da parálise que sofre este concello co PP. Por iso, o noso único compromiso é traballar para todos e todas, sen importar a cor política ou condición persoal, o que nos une é Xove”, expuxo.
Presidenta do Comité de Empresa en Sargadelos
Rogelia Mariña Pernas, veciña de Rigueira, foi durante 30 anos delegada sindical en Sargadelos e presidenta do Comité de Empresa, onde foi despedida por cumprir coas obrigas que implica o seu cargo de delegada electa e representante de UXT na empresa. O despedimento foi considerado nulo polo Xulgado do Social.
Por primeira vez encabeza unha candidatura socialista ás eleccións municipais.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
