A Alcaldesa destacou a realización de proxectos como “a construción do campo de herba artificial en Santa Cruz, a posta en marcha do local multiusos con capacidade para 1.000 persoas para realizar teatro, xuntanzas ou charlas, entre outras actividades, ou o investimento na rede de estradas municipais, que podo asegurar que foi o maior da historia”
Lourenzá, 9 de abril de 2023. A Alcaldesa de Lourenzá, Rocío López García, é novamente a candidata socialista nas próximas eleccións municipais do 28 de maio. “Somos un equipo de xente comprometida con Lourenzá, xente traballadora, que temos ilusión e ganas de facer cousas. Persoas con ideas e proxectos, algúns xa empezados e outros novos. Somos un equipo de xente humilde que estamos dispostos a traballar polo que cremos que é mellor para o noso pobo”, recalcou a candidata socialista.
A Agrupación Socialista de Lourenzá celebrou este domingo no Salón de Actos do Concello a presentación da candidatura socialista desta localidade, na que participou a Secretaria de Organización provincial, Pilar García Porto, e o Senador César Mogo, xunto a militantes, simpatizantes, e alcaldes e alcaldesas, entre outros representantes institucionais do partido.
García Porto recalcou “o dinamismo e fortaleza” do PSdeG, que presenta “as mellores candidaturas e os mellores proxectos” ás eleccións municipais”. “Polo tanto, saímos a gañar. Vamos consolidar as alcaldías que temos, como é o caso de Lourenzá, e conseguir outras novas”, asegurou.
A Secretaria de Organización provincial felicitou á Alcaldesa polo “seu excelente traballo ao longo destes anos, con iniciativas que melloraron a vida dos seus veciños e veciñas, pola xustiza social, a igualdade de oportunidades, polos servizos públicos e as infraestruturas e por impulsar a actividade económica do seu pobo, como sempre facemos os socialistas cando gobernamos”, subliñou.
Na súa intervención, a Alcaldesa de Lourenzá e candidata á Alcaldía agradeceu dun xeito moi especial o traballo que desenrolan tódolos colectivos e asociacións que colaboran diariamente no Concello: “sempre estades dispostos a colaborar, porque cando as cousas se fan entre todos, está claro que sempre saen mellor”.
Sobre a súa xestión ao longo destes anos no Concello, destacou a realización de proxectos como “a construción do campo de herba artificial en Santa Cruz, e a posta en marcha do local multiusos para realizar teatro, xuntanzas, charlas, etc…, que hoxe xa é un realidade, e conta cunha capacidade para 1.000 persoas, ou o investimento que executamos na rede de estradas municipais, que podo asegurar que foi o maior da historia. O aglomerado neste concello case nin sabíamos o que era, e hoxe case podemos presumir de ter case todas as vías arranxadas e con bo firme”.
Rocío López puxo en valor así mesmo que que este ano a RAG decidiu dedicarlle o Día das Letras Galegas a Paco del Riego, e Lourenzá será o escenario do acto principal o 17 de maio. “O noso Concello está en marcha, temos moitas cousas por facer, e vamos a seguir traballando para que Lourenzá sume novos proxectos no eido turístico e cultural, e para que siga sendo un referente na Mariña”, subliñou.
Sobre a candidatura socialista explicou que está composta por tódolos concelleiros actuais e suma novas incorporacións, “que nos van aportar novas visións e propostas para sumar a este proxecto”.
Candidatura do PSdeG ás eleccións municipais de Lourenzá
A candidatura socialista de Lourenzá está composta polos seguintes candidatos e candidatas:
1- Rocío López García
2- Javier Huertas Otero
3- Manuel Arango Ron
4- Mercedes Dengra Sixto
5- Mario Leitón Ramallal
6- Francisco Javier Suárez Vázquez
7- Sonia Gavino Reigosa
8- José Moirón Torrente
9 – Bernard Henri Denereaz Sailen
10- Natalia Minhoto Goas
11- Miguel Castrillón Fernández
12- Berta Oliveros Yanes
13- Vanessa Vallines Dasilva
14- Guillermo Rilo Munin
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
