Ribadeo, 10 de abril de 2023. O concelleiro de Turismo, Pablo Vizoso, fai un balance moi positivo da Semana Santa. A ocupación hoteleira roldou o 100% de xoves a sábado e entre o 80 e o 85% o resto de días. Preto de 4.000 persoas pasaron pola oficina de turismo de Ribadeo e polo punto de información das Catedrais. As Xeorutas e as visitas guiadas, organizadas polo Concello, colgaron o cartel de completas.
O edil ribadense subliñou que “Ribadeo estivo a tope de xente e de turistas durante esta Semana Santa. E unha da súas imaxes foi a da praia das Catedrais ateigada de xente, de feito durante tres días consecutivos colgou o cartel de completo. E tamén as rúas e os establecementos de Ribadeo rexistraron unha grande afluencia todos estes días”.
Vizoso Galdo indicou que “deste xeito a oficina de turismo do centro de Ribadeo, recibiu durante a Semana Santa uns 1.142 visitantes. O día de mais afluencia foi o venres, 7 de abril, data na que pasaron unhas 224 persoas e o xoves 6 cun rexistro de 205 persoas. Ao Punto de Información Turístico da praia das Catedrais acudiron 2.827 persoas a realizar consultas. Os días de maior afluencia foron o venres 7 (con 721 persoas), xoves 6 (con 579 persoas) e o sábado 8 (con 464 persoas). En total unhas 4.000 persoas solicitaron información nas nosas instalacións durante este período que vai do 31 de marzo ao 9 de abril, durante o cal as dúas oficinas estiveron abertas de maneira continuada”.
O concelleiro de Turismo contou que “a ocupación xeral de Ribadeo nos días centrais de Semana Santa roldou o 100%, o que supón unha cifra realmente histórica. Hai que destacar que aínda que a maior parte das visitas e das estancias se concentraron de xoves a domingo, tamén se experimentou unha elevada afluencia os días anteriores que non son festivos, o que demostra o atractivo de Ribadeo e que continúa a consolidarse como referente turístico da Cornixa Cantábrica galega”.
Pablo Vizoso seguiu a relatar que “coma nos anos anteriores, nestas datas a maior parte do turismo é de procedencia do resto do Estado, supoñendo entorno a un 92%. Si analizamos mais en detalle a orixe dos nosos visitantes podemos indicar que a maioría chegan desde Madrid, seguidos de Euskadi, Castela-León e Galicia. E polo que se refire ao turismo internacional está liderado por franceses na oficina do centro da vila e por alemáns na praia das Catedrais cun total de 211 visitantes estranxeiros entre ambas”.
O edil nacionalista dixo que “en canto á modalidade de viaxe, sobresaen os que o fan en parella ou en unidades familiares compostas por 3 ou 4 membros desprazándose no seu propio vehículo. No tocante ao Camiño de Santiago a Semana Santa supón a primeira fronteira da tempada alta e polo tanto vese incrementada a afluencia de peregrinos. Así ao chegar o Xoves Santo os albergues percibiron unha maior intensidade de paso de peregrinos do mesmo xeito que o experimentou o resto do sector turístico”.
Sobre a ocupación hoteleira indicou que “despois da consulta realizada entre os establecementos hostaleiros podemos estimar que a ocupación hoteleira durante os días centrais da Semana Santa roldou o 100% (xoves, venres e sábado) e durante o resto da semana se situou entre o 80% e o 85%. Con respecto ás Catedrais o Punto de Información Turística do Concello segue a ser interpretado como o punto de control de acceso á praia por ser a infraestrutura con función informativa máis visible do lugar. A praia esgotou as autorizacións o xoves, o venres e o sábado. E o domingo quedaron libres tan só arredor de 900 prazas”.
Vizoso Galdo engadiu que “o Concello de Ribadeo organizou unha serie de actividades moi intensas durante esta Semana Santa, entre as que destacan as visitas guiadas polo Ribadeo Indiano e polo Ribadeo Ilustrado, que se completaron todos os días, e as Xeorutas dos Ollos e das Ría tamén colgaron o cartel de completo”.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
