Foz, 24 de abril, 2023. O alcalde e candidato Fran Cajoto valora moi positivamente o traballo das asociacións, que “non só demandan melloras nas infraestruturas e servizos, senón que tamén traballan activamente programando actividades de todo tipo”.
“Somos un goberno de escoita e preocúpannos moito as necesidades e demandas dos colectivos veciñais. Esta pasada semana mantivemos reunións coas directivas das Asociacións de Veciños Río Ouro de San Acisclo, Santiago de Fazouro e O Torques de Marzán. Aínda que levamos catro anos de goberno colaborando de forma moi estreita coas asociacións, creemos moi necesario falar abertamente das necesidades de cara á próxima lexislatura: agradecemos moito a acollida de todas elas”.Destacou o alcalde e candidato polo PSdeG Fran Cajoto.
Nas reunións tratáronse iniciativas destes últimos catro anos relativas a infraestruturas -como o desenrolo da fibra óptica de alta velocidade en todo o territorio-, culturais –con actividades nas parroquias como o “Cine na Rúa”, colaboración coas distintas festas ou máis recentemente o “Teatro nas Parroquias” con recoñecidos monologuistas galegos- ou sociais –programación de gran variedade cursos organizados polo Concello-.
“Desde o inicio do goberno vimos moi importante investir nas parroquias en tódolos ámbitos: estamos a falar de 4500 habitantes que estiveron abandonados no anterior goberno”.- destaca Fran Cajoto.
SAN ACISCLO
Ensanchouse a estrada LU-P-0210 a Alfoz con novas beirarrúas, grazas á Deputación e sobre todo ao enorme traballo da Asociación de Veciños ampliouse a Escola, que agora ten unha enorme vida social e constitúe o centro da parroquia. Substituíronse luminarias, aglomeráronse camiños nas Abidueiras e no Outeiro, abríronse e melloráronse camiños no monte, asfaltouse no Redondo e está proxectado o aglomerado desde o Redondo ata a estrada a Ferreira. A Asociación de Veciños demandou entre outras medidas continuar coa mellora de alumeado e camiños e avanzar no saneamento pendente.
FAZOURO
Construíuse unha nova escollera na desembocadura do río Ouro dando continuidade ao paseo do Cantábrico, rematouse a baixada á praia de Arealonga, susbstituíronse luminarias, acondicionouse o paseo do río Ouro, asfaltáronse camiños na Granda, aglomeráronse viais en Vilarmea, Lousada e no Morgallón, procedeuse á limpeza e desbroce do parque empresarial, acondicionouse o camiño do monte que sube desde a Casanova, reacondicionouse a área recreativa da Pampillosa e está en execución o paseo marítimo Peizás – Pampillosa. No tocante á cobertura móbil entre Fazouro e San Acisclo, estase traballando para a instalación dunha nova antena que solucione o problema. A Asociación de Veciños reclamou melloras no alumeado especialmente na Ponte de Ferro, a mellora na seguridade desta área recreativa – que está pronta a facerse-, a mellora no firme de varios camiños e a limpeza e dragaxe da canle da desembocadura do río Ouro entre outras cuestións.
MARZÁN
Mellorouse na mobilidade con actuacións como a nova rampla peonil entre as rúas do Cemiterio e do Asilo, construíuse unha senda que permite acceder a Álvaro Cunqueiro desde o Cristo, aglomeráronse distintos viais como a rúa Fiallega, a rúa do Cemiterio, a rúa da Báscula, Prado vello e Pena Parda, posibilitouse o remate da beirarrúa entre Torques do Castro e rúa do Vicedo e están contratadas por Costas as obras de estabilización dunar da praia de Llas que comezarán nun breve prazo. A Asociación de Veciños trasladou demandas que o PSdeG considera prioritarias como a reorganización semafórica da Fonte de Marzán ou a renovación do parque infantil. Tamén incidiron na necesidade de sendas seguras para os peóns nas rúas do Vicedo e Torques do Castro, a mellora no mantemento de cunetas e sumidoiros, un mellor coidado na baixada de Llas por Cú do Castro ou un local social de maiores dimensións.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
