O mandatario provincial puxo en valor a iniciativa do rexedor, que “aproveita as infraestruturas existentes e a riqueza natural da Ribeira para crear actividade económica e emprego no municipio e na zona, contribuíndo así a fixar poboación, que a xente non teña que marchar para atopar unha oportunidade laboral e facer o seu proxecto de vida”
Lugo, 2 de abril de 2023. O Presidente da Deputación de Lugo, José Tomé Roca, coñeceu este domingo o traballo da Fundación TerrEO para poñer en marcha a piscifactoría de Ribeira de Piquín, situada en Santalla. José Tomé, xunto ao Alcalde do municipio e presidente da entidade, Roberto Fernández Rico, percorreu as instalacións, que pronto comezarán a producir troita, e coas que colabora a institución provincial.
Este apoio materializouse nun convenio de colaboración firmado recentemente por Tomé Roca e Fernández Rico, a través do que a Deputación aporta 90.000€ e a Fundación TerrEO preto de 22.000€. En total, 109.258,06 euros, que serven para a contratación de persoal encargado para os coidados e o mantemento da instalación, a dotación dun filtro saca-follas necesario para o correcto funcionamento dos tanques, a adquisición de huevas e a alimentación durante un ano.
O Presidente da Deputación de Lugo puxo en valor a iniciativa do Alcalde, tamén Deputado provincial de Recursos Sostibles, para impulsar este proxecto, que permitirá recuperar o funcionamento da piscifactoría de Santalla, “aproveitando así as infraestruturas existentes e a riqueza natural da Ribeira para xerar actividade económica e crear emprego no municipio e na zona, contribuíndo desta forma a fixar poboación, que a xente non teña que marchar fóra para atopar unha oportunidade laboral e facer o seu proxecto de vida”.
O mandatario provincial incidiu en que este proxecto demostra “o que sempre defendemos na Deputación de Lugo, que o noso rural non está baleiro, senón que está cheo de recursos e de potencial. Fan falta as políticas públicas e o apoio axeitado e suficiente para aproveitalas e que dean os seus froitos, como estamos facendo dende a institución provincial, con esta e con moitas outras iniciativas, cos recursos dos que dispoñemos”.
O funcionamento da piscifactoría de Santalla dará emprego a catro persoas e estímase unha produción dunhas 40 toneladas de troitas.
As instalacións pecharon no ano 2013 tras os importantes danos provocados pola cicloxénese explosiva Gong e, grazas á iniciativa do Alcalde a través da fundación TerrEO e coa colaboración da Deputación de Lugo, volverán a funcionar e contribuír á dinamización económica e social do municipio e tamén da súa contorna.
Tres proxectos para crear emprego e ser o espello de novas iniciativas
TerrEO, tal e como explica o Alcalde de Ribeira de Piquín, é unha fundación de iniciativa unicamente municipal, que nos dous últimos anos xa puxo en marcha tres importantes proxectos: a piscifactoría de Santalla, impulsando así a actividade acuícola; o polígono agroecolóxico de Monte Furado, no que xa se fixo unha plantación de dúas hectáreas de kiwi; e Forescelta, para a produción cárnica de Porco Celta, da que xa saíron os primeiros cincuenta animais para súa venda.
A finalidade destes proxectos e da actividade de TerrEO é “crear emprego directo porque é a mellor política social. Queremos ser o primeiro concello de Galicia con paro cero”, e, ao mesmo tempo, “visibilizar as alternativas de futuro que hai para o rural e ser un espello para posibles iniciativas que se queiran implantar similares aproveitando os recursos que temos no noso concello”, subliñou Roberto Fernández Rico.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
