Viveiro, 15 de abril de 2023. O Concello de Viveiro amosa a súa satisfacción polo resultado dos traballos de restauración do antigo reloxo mecánico municipal situado no Conxunto Histórico Artístico da Praza de Santa María.
A empresa Lages Electrónica, encargada de levar a cabo este labor, acaba de rematar una restauración que incluíu agullas, minutarías e a transmisión de dúas esferas exteriores.
Tamén se fixo unha restauración xeral da antiga máquina do reloxo que foi construída en 1861 pola prestixiosa casa francesa Arsene Cretin-L’Ange e instalada polo reloxeiro de A Coruña Ramón A. Iglesias Abeleira. Ademais, acondicionouse o habitáculo onde estaba instalado o reloxo.
Tras esta minucioso traballo, o reloxo foi montado provisionalmente para poder ser visitado.
Todas as persoas interesadas en desfrutar desta xoia artística de Viveiro, poderán facelo antes ou despois da misa que se oficia os martes, xoves e sábados, ás 19:30 horas, así como os domingos, ás 11:00 horas.
“Estamos felices do resultado destes traballos que son clave para o mantemento do amplo patrimonio artístico co que conta Viveiro”, indica a alcaldesa María Loureiro.
“Agora queremos compartir esta peza tan valiosa con toda a veciñanza, e dende o Concello vanse enviar tamén invitacións aos centros educativos, unhas visita nas que o cronista oficial lles ofrecerá unha charla sobre a valía e a historia desta peza”, engade a rexedora.
Despois do período de exposición, procederase de novo ao montaxe na Torre do Reloxo, e tras realizar os reaxustes pertinentes, poñerase de novo en funcionamento.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
