Viveiro, 10 de abril de 2023. O Concello de Viveiro amosa a súa satisfacción polo éxito de organización e de convocatoria da Semana Santa 2023, unha celebración que nestes días superou os datos de antes da pandemia, tanto en afluencia de visitantes como no impacto económico para o sector hostaleiro e o comercio local.
“Foi a mellor Semana Santa en moitos anos. Despois de recuperar os actos o pasado ano e de superar por fin as restricións, a veciñanza e os visitantes desfrutaron plenamente dunhas datas sempre moi especiais para os veciños e veciñas”, subliña a alcaldesa de Viveiro, María Loureiro.
A masiva afluencia de turistas quedou patente non só á hora de asistir aos oficios e procesións, senón tamén co impacto para a economía local e para sectores como a hostalaría e a hospedaxe.
“Superáronse toda as expectativas. Somos conscientes da relevancia da nosa Semana Santa, da admiración que esperta a nivel internacional e do seu arraigo tamén entre os nosos veciños e veciñas, e dende Concello damos as grazas a todos os que se achegaron ata Viveiro para vivila con nós”, engade a rexedora.
A meteoroloxía acompañou estes días e todas as procesións e actos puideron celebrarse e lucir no seu máximo esplendor. “O traballo da Xunta de Cofradías da Semana Santa volveu ser exemplar. O seu compromiso e a súa implicación é un motivo de orgullo para todos”, aplaude María Loureiro.
A alcaldesa de Viveiro tamén felicita “ao sector servizos, aos establecementos de hostalería, hospedaxe e comercio polo esforzo que fixeron para atender aos milleiros de persoas que nos visitan”.
Prácticamente todos os hoteis da vila chegaron ao 100% de ocupación, así como os apartamentos turísticos e as segundas vivendas das familias que contan con estas residencias vacacionais.
Tamén volveron resultar un éxito as visitas guiadas organizadas pola Concellaría de Turismo, quedando cubertas todas as prazas ofertadas.
A oficina de turismo acolleu moita actividade coa visita de milleiros de turistas solicitando información. A maior parte das consultas chegaron por parte de cidadáns españois, de prácticamente todas as comunidades autónomas, e entre as internacionais destacaron os visitantes de Reino Unido, Francia, Estados Unidos, Suiza ou mesmo Rusia.
Tamén ata Viveiro se achegaron o presidente da Xunta, Alfonso Rueda, e o novo delegado do goberno en Galicia, José Ramón Gómez Besteiro, que acompañaron á alcaldesa de Viveiro, María Loureiro, e ao conxunto da comitiva institucional na procesión do Santo Enterro do sábado.
Dende o Concello de Viveiro se agradece especialmente o labor de todo o persoal do concello, do Servizo Municipal de Limpeza e das forzas e corpos de seguridade (Policía Local, Protección Civil, Policía Nacional, Garda Civil e Bombeiros) á hora de velar pola normalidade e seguridade da celebración.
“E tamén unha vez máis grazas aos veciños e veciñas de Viveiro pola súa implicación, pola súa hospitalidade e pola súa comprensión polos cortes de tráfico e demais medidas adoptadas para o correcto desenvolvemento das celebracións. Grazas a todos”, remata a alcaldesa de Viveiro.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
